Lucas 22:29 - Chayahuita (Shahui)

²⁹ Ina marëꞌ Yosëꞌpaꞌ canaaramaꞌ. Aꞌna tahuëri Yosë nohuanton, huaꞌanëntarahuë. Naporoꞌ canpitantaꞌ acoaranquëmaꞌ huaꞌan pochin nicamasoꞌ.

Lucas 22:29 ပူးပေါင်းရင်းမြစ်များ

Mateo 24:47

Noya natërin niꞌton, acoarin yaꞌipi maꞌshanënpita aꞌpaicaso marëꞌ.

Mateo 25:21

‘¡Ma noyacha sacatëran paya! Natëranco niꞌquëhuarëꞌ, chiníquën nanan quëchinquën naꞌcon huaꞌanëntamaso marëꞌ. Pëinëhuëquë huëquëꞌ, noya cancantahuaꞌ,’ itërin huaꞌanëni.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Mateo 5:10

Yosë natëramaso marëꞌ aparisitohuachinënquëmaꞌ, Yosë noya niꞌsarinquëmaꞌ. Huaꞌanëntërinquë chachin nani ayaꞌconinquëmaꞌ. Aꞌna tahuëri inápaquë yaꞌhuëcontaramaꞌ.

Mateo 5:3

“Natanco iyaroꞌsaꞌ aꞌchinchinquëmaꞌ. Yosë huëntonënquë yayaꞌconpatamaꞌ, iso pochin cancantacasoꞌ yaꞌhuërin. ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, Yosë noya niꞌsarinquëmaꞌ niꞌton, noya cancantaramaꞌ. Huaꞌanëntërinquë chachin ayaꞌconarinquëmaꞌ.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

Lucas 19:17

‘Ma noya sacatëran. Natëranco niꞌquëhuarëꞌ, huaꞌan acoꞌinquën. Shonca ninanoroꞌsaꞌ huaꞌanëntaran,’ itërin.

1 Corintios 9:25

Quëmapiꞌsaꞌ yanicanahuachinara, nani tahuëri taꞌarápi noya noya noꞌquicaiso marëꞌ. Taꞌacaisoráchin yonquipi. Canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Canpoaso nipirinhuëꞌ noya nipatëhuaꞌ, Yosëꞌpaꞌ acanarinpoaꞌ. Inatohuaꞌ co mantaꞌ mocasarinhuëꞌ.

2 Corintios 1:7

Canpitantaꞌ aparisitohuachinënquëmaꞌ, Yosë catahuarinquëmaꞌ chiníquën cancantacamaso marëꞌ. Napoaton co Yosë aꞌpoaramahuëꞌ. Chiníquën cancantatomaꞌ, imamiataramaꞌ, tënai. Ina marëꞌ noya cancantërai.

2 Timoteo 2:12

Parisitapirëhuahuëꞌ, noya ahuantohuatëhuaꞌ, aꞌna tahuëri inarëꞌquënpoaꞌ huaꞌanëntarihuaꞌ Nipirinhuëꞌ, ina aꞌpohuatëhuaꞌ, inantaꞌ aꞌpoarinpoaꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.

Apocalipsis 21:14

Pairatopisoꞌ shonca catoꞌ naꞌpiquë paquëërin, panca nininsoꞌ. Aꞌnaya aꞌnaya naꞌpiquë Quisoso caꞌtanoꞌsanënpita nininënaꞌ ninshitopi. Shonca catoꞌ yaꞌhuërin niꞌton, yaꞌipi nanitopi.