Lucas 22:11 - Chayahuita (Shahui)

¹¹ Pëiꞌ huaꞌanën quënanconpatamaꞌ, natanconcoꞌ. “ ‘¿Insëquëtaꞌ patoana yaꞌhuërin Pascoa cosharoꞌ capacaꞌhuaisoꞌ?’ tënin Maistro,” itoncoꞌ.

Lucas 22:11 ပူးပေါင်းရင်းမြစ်များ

Mateo 21:3

“¿Onpotaomataꞌ iꞌquiritaramasoꞌ?” itohuachinënquëmaꞌ, “Siniorori nohuantërin. Apira isëquë acoquiantarai,” itocoꞌ. “Quëpaquëꞌ nipachin,” itohuachinënquëmaꞌ, quëshico, itërin.

Marcos 14:14

Pëiquë yaꞌconconpachin, pëiꞌ huaꞌanën natanconcoꞌ. “¿Insëquëtaꞌ patoana yaꞌhuërin Pascoa cosharoꞌ capaꞌhuaisoꞌ?” tënin Maistro, itoncoꞌ.

Lucas 19:31

“¿Onpotaomataꞌ iꞌquiritaramaꞌ?” itohuachinquëmaꞌ, “Sinioro nohuantërin,” itocoꞌ, itërin.

Lucas 19:34

—Siniorori nohuantërin, itohuachina: —Inta nipachin, quëpaquëꞌ, itërin.

Lucas 19:5

Quisososoꞌ inaquë canconahuaton, nëꞌpëconin. —Iya Saquio, manóton nohuaraquëꞌ. Ipora tahuëri quëma pëinënquë yacahuaranquën, itërin.

Lucas 22:10

—Ninanoquë pacoꞌ. Inaquë aꞌna quëmapi nacapiaramaꞌ. Yonquë iꞌsha chiꞌyatarin. Ina imacoꞌ. Pëiquë yaꞌconconpachin, canpitantaꞌ yaꞌconcoꞌ.

Lucas 22:12

Napotohuatamaꞌ, panca patoana aꞌnotarinquëmaꞌ, inápaquë nininsoꞌ. Misa, huënsënan, inapita nani yaꞌhuërarin. Inaquë cosharoꞌ tapacoꞌ canpoaꞌ capaquëhuaquë, itërin Quisosori.

Juan 11:28

Ina tosahuaton, Marta paꞌnin cain shaꞌhuitapon. Canconahuaton, sacaro quëran shaꞌhuitërin. —Nani Maistro huëꞌnin. Yanontërinquën, itërin.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.