Lucas 21:28 - Chayahuita (Shahui)

²⁸ Napoaton nisha nisha quira nisahuachinaꞌ, nisha nisha maꞌsha onporahuachinaꞌ, ama paꞌyancosohuëꞌ. Oꞌmantaꞌhuasoꞌ tahuëri naniriarin niꞌton, nóya cancantatomaꞌ, ninaco. Oꞌmantahuato, noya nichaꞌësaranquëmaꞌ. Yosëꞌpaꞌ quëpantaranquëmaꞌ,” itërin Quisosori.

Lucas 21:28 ပူးပေါင်းရင်းမြစ်များ

Lucas 13:11

Inaquë aꞌna sanapi quënanconin, apia nininsoꞌ. Sopai nohuanton, nani shonca posa piꞌipi monconpirin. Co nanitërinhuëꞌ noꞌtëpicasoꞌ.

Lucas 18:7

¡Yosëso nipirinhuëꞌ nóya niꞌton, huayoninsopita naꞌcon catahuarin! Aꞌnapitari aparisitohuachinaꞌ, Yosëri noꞌtëquën anaꞌintarin. Tahuërirë chachin, tashirë chachin ina nontopi niꞌton, catahuaarin. Co naniantarinhuëꞌ.

Lucas 21:29

Ina quëran iso pënënto nanan shaꞌhuitërin: “Iquira nara papotërin quëran nitotocoꞌ. Aꞌnapita nararoꞌsantaꞌ yonquicoꞌ.

Romanos 8:19

Naporoꞌ Quisocristo imarëhuasopita noya noya yaꞌnoarihuaꞌ. Yaꞌipi maꞌsha isoroꞌpaquë yaꞌhuërinsopitantaꞌ ina tahuëri ninarapi.

Romanos 8:23

Canpoantaꞌ Ispirito Santo nani yaꞌcoancantopirinpoahuëꞌ, parisitërëhuaꞌ. Parisitatëhuaꞌ, manorëhuaꞌ nasha nonënpoaꞌ yaꞌhuëtinpoaso marëꞌ. Ina ninarëhuaꞌ. Nasha nonënpoaꞌ quëtohuachinpoaꞌ, co huachi caniorihuahuëꞌ. Co huachi chiminarihuahuëꞌ. Naporoꞌ Yosë huiꞌninpita chachin nisarëhuaꞌ.

Efesios 1:14

Quisocristo imapatëhuaꞌ, Ispirito Santo yaꞌcoancantomiatërinpoaꞌ. Inaꞌton quëtërinpoaꞌ niꞌton: “Tëhuënchachin aꞌna tahuëri Yosëꞌpaꞌ quëpantarinpoaꞌ,” tënëhuaꞌ. Nani Yosë nichaꞌërinpoaꞌ niꞌton, oꞌmantacasoꞌ tahuëri nanihuachin, yaꞌhuërinꞌpaꞌ quëpantarinpoaꞌ. Inaquë noya noya yaꞌhuëcontarihuaꞌ. Ina yonquiatëhuaꞌ: “Ma noyacha Tata Yosëso yonquirinpoa paya,” tënëhuaꞌ.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.