Lucas 21:24 - Chayahuita (Shahui)

²⁴ Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Lucas 21:24 ပူးပေါင်းရင်းမြစ်များ

Génesis 34:26

Amorontaꞌ, Siquimorë chachin tëpapi. Inapotahuatonaꞌ, Siquimo pëinën quëran Tina masahuatonaꞌ, paꞌpi huachi.

Éxodo 17:13

Inapohuachina, Cosoiri amaricoroꞌsa minsërin huachi.

Isaías 5:5

Noyapaꞌ. Naporin niꞌquëhuarëꞌ, oparonëhuë maꞌsona onpotaꞌhuasoꞌ yonquirahuësoꞌ, shaꞌhuitaranquëmaꞌ: Nahuan shatërahuëso oquitarahuë yaꞌcontatona tapiinaꞌ. Pairanënta oquitohuato, pëꞌtahuaroꞌsari yaꞌcontatonaꞌ, toꞌqui toꞌquichinaꞌ.

Isaías 63:18

Noya nicatoncoi noꞌpaꞌ quëtopirancoihuëꞌ. ¡Co huaꞌquiyátërahuëꞌ huaꞌanëntërai! Inimiconëhuëipitari huëꞌsahuatonaꞌ, quëma pëinën ataꞌhuantopi.

Daniel 9:27

Aꞌna simana marëꞌ ina copirnosoꞌ, notohuaroꞌ piyapiꞌsarëꞌ anoyatapon. Napoaponahuë ina simana huancanarahuasoꞌ, Yosë marëꞌ maꞌsha ahuiquitacaisoꞌ, acopitapon. Maꞌsha Yosë marëꞌ quëcacaisontaꞌ, inapotapon. Artaro maꞌsha Sinioro marëꞌ ahuiquitopiso notënanquë, paꞌpi co noyahuëꞌ nininso nicatonaꞌ, tapiaponaꞌ. Ina piquëranso napoaponahuëꞌ, Yosëri chachin naponaꞌpi ataꞌhuantapon huachi,” itërinco.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Lucas 21:25

Ina quëran Yosë nohuanton, piꞌi tashiarin. Co huachi yoqui aꞌpianinhuëꞌ. Tayoraroꞌsaꞌ inápa quëran anotarin. Marëntaꞌ panca coꞌsacaitapon niꞌton, tënëntapon. Yaꞌipi piyapiꞌsaꞌ paꞌyanaponaꞌ.

Romanos 11:25

Yosë yonquirinsoꞌ iyaroꞌsaꞌ shaꞌhuichinquëmaꞌ, noꞌtëquën nitotacamaso marëꞌ. Aꞌnapita co nitotopirinahuëꞌ, ama nocantamaso marëhuëꞌ shaꞌhuitaranquëmaꞌ. “Quiyasáchin noꞌtëquën yonquirai,” ama tocosohuëꞌ. Iporasoꞌ naꞌa nisha piyapinquëmaꞌ Yosë huëntonënquë yaꞌconaramaꞌ. Yaꞌipi Yosë nohuantërinquëmasopita yaꞌconamaquë huarëꞌ naꞌa israiroꞌsaꞌ co natantochináchinhuëꞌ cancantapi.

Hebreos 11:34

Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.

Apocalipsis 11:2

Iꞌiratëso nipirinhuëꞌ, ama aꞌniquësohuëꞌ. Inaquë nisha piyapiꞌsaꞌ yaꞌconapi. Co Yosë imaponaraihuëꞌ, inaquë yaꞌconahuatonaꞌ, tapirapi. Yosë ninanonëontaꞌ tapirapi. Cara piꞌipi miria pochin napotapi.