Lucas 21:23 - Chayahuita (Shahui)

²³ Cayoronoꞌsaꞌ, huaꞌhuahuanoꞌsaꞌ, inapitasoꞌ sacai quëran taꞌarapi. ¡Maꞌhuantacha nisapi paya! Yosëri noꞌhuiton, cotioroꞌsaꞌ anaꞌintarin.

Lucas 21:23 ပူးပေါင်းရင်းမြစ်များ

Mateo 21:16

Noꞌhuitonaꞌ, Quisoso itopi: —Isopita napopisoꞌ ¿co natananhuëꞌ ti? itopi. —Natanahuë mini. Noꞌtëquën nonsapi. Yosë quiricanënquë naporin: “Quëma nohuanton, huaꞌhuaroꞌsaꞌ nóya nonapiarinënquën. Shoꞌshopiaꞌhuaroꞌsaꞌ niponaraihuëꞌ, ‘Ma noyanquëncha quëmaso paya,’ itarinënquën,” tënin, itërin Quisosori.

Mateo 21:41

—Paꞌpi co noyahuëꞌ nipi niꞌton, chiníquën noꞌhuiton, aꞌnaroáchin tëpapon. Ina quëran nasha inpriatoroꞌsaꞌ acoantarin. Inapitasoꞌ opa nitohuachin, noꞌtëquën quëtapi huachi, itopi.

Mateo 21:44

Ina naꞌpi iꞌpatohuatëra, anotatëꞌ yaꞌpanëꞌ. Aꞌna tahuëriso nipirinhuëꞌ ina naꞌpiri chachin anoantohuachin, aꞌnaquën niꞌshariarin,] itërin Quisosori.

Mateo 24:19

Naporoꞌ tahuëriꞌsaꞌ cayoronoꞌsaꞌ, shoꞌshopiaꞌhua yaꞌhuëtopisoꞌ, inapitasoꞌ sacai quëran taꞌarapi niꞌton, parisitaponaꞌ. ¡Maꞌhuantacha nisapi paya!

Marcos 13:17

Naporo tahuëriꞌsaꞌ cayoronoꞌsaꞌ, shoꞌshopiaꞌhua yaꞌhuëtopisoꞌ, inapita parisitaponaꞌ. ¡Maꞌhuantacha nicapona paya!

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Lucas 19:43

Napoaton aꞌna tahuëri parisitaramaꞌ. Inimiconëmapita huëcapairahuatënënquëmaꞌ, tancapitarinënquëmaꞌ. Yaꞌipi parti quëran ahuëarinënquëmaꞌ. Ninano pairapiramasoꞌ inápa niponahuëꞌ, maꞌsha aꞌmitë aꞌmitëtapi yaꞌconacaiso marëꞌ.

Lucas 23:29

Naporoꞌ tahuëriꞌsaꞌ huaꞌhuahuaninsopita naꞌcon naꞌcon parisitapi. Huaꞌhuinpita yonquiatonaꞌ, sëtapi. Co huaꞌhuanpihuëꞌ naporini, noya noya niitonahuëꞌ.

1 Corintios 7:26

Ipora tahuëriꞌsaꞌ sacaiꞌ imacasoꞌ, naꞌcon aparisitarinënpoaꞌ. Napoaton onporamasona yaꞌhuapomaꞌ, inachachin yaꞌhuëcoꞌ.

1 Tesalonicenses 2:16

Nisha piyapiꞌsaꞌ chaꞌëcaiso marëꞌ yaaꞌchintopiraihuëꞌ, cotioroꞌsasoꞌ co nohuantopihuëꞌ. “Ama aꞌchintocosohuëꞌ,” taꞌtonaꞌ, noꞌhuirinacoi. Ina marëꞌ aquë aquëtëꞌ oshahuanpi. Napoaton Yosëri chiníquën noꞌhuirin. Noꞌtëquën anaꞌintarin huachi.

Hebreos 13:16

Noyasáchin niahuaꞌ. Nicatahuacasoꞌ ama naniantahuasohuëꞌ. Aꞌnapita maꞌsha pahuantohuachinaꞌ, ama apiratocosohuëꞌ. Inapohuatëhuaꞌ, Yosë noya chinotarëhuaꞌ niꞌton, noya niꞌsarinpoaꞌ.

Santiago 5:1

Maꞌhuanoꞌsantaꞌ co Yosë natëpisopitahuëꞌ pënëin. Aꞌna tahuëri canpitasoꞌ chiníquën parisitaramaꞌ. Ina yonquiatomaꞌ, sëtocoꞌ, naꞌnëcoꞌ.

1 Pedro 4:17

Nani anaꞌintinpoasoꞌ naniriarin. Ipora chachin imarëhuasopita piꞌpian piꞌpian anaꞌintarinpoaꞌ. Co noyahuëꞌ nipatëhuaꞌ, tatanpoa pochin piꞌpian anaꞌintarinpoaꞌ noya noya yonquicaso marëꞌ. ¡Ayaroꞌ tahuëriso nipirinhuëꞌ co nanamën natëpisopitahuëꞌ chiníquën anaꞌintarin! Parisitopiquë aꞌpararin niꞌton, parisitomiatapi.