Lucas 21:15 - Chayahuita (Shahui)

¹⁵ Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Lucas 21:15 ပူးပေါင်းရင်းမြစ်များ

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Lucas 12:12

Naporoꞌ Ispirito Santo catahuaarinquëmaꞌ noya aꞌpanitacamasoꞌ,” itërin Quisosori.

Lucas 21:16

Tataparimaꞌ co imatonahuëꞌ, shaꞌhuirapiarinënquëmaꞌ. Iyaparimaꞌ, quëmopinëmapita, amiconëmapita, inapita shaꞌhuirapiarinënquëmaꞌ. Aꞌnaquëmaꞌ tëpararinënquëmaꞌ.

Lucas 24:45

Yosë quiricaquë naporinsopita aꞌchintaantarin. Aꞌchintaton, catahuarin noꞌtëquën yonquicaiso marëꞌ.

Hechos 2:4

Napohuachina, Ispirito Santori yaꞌipiya yaꞌcoancantërin. Ina quëran inari catahuarin nisha nisha nananquë nonacaiso marëꞌ. Co nitotaponaraihuëꞌ, aꞌnaroáchin nonpi huachi.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

Hechos 26:28

—Piꞌpian nontopirancohuëꞌ aꞌnaromarëáchin quëma pochin cantaꞌ Cristo imaꞌi, ¿topiranhuëꞌ ti? itërin Acripari.

Hechos 6:10

Istipanso nipirinhuëꞌ, Ispirito Santori catahuarin niꞌton, noꞌtë noꞌtëquën nonin. Co nanitopihuëꞌ aꞌpanicaisoꞌ.

Efesios 6:19

Ca marëntaꞌ Yosë nontocoꞌ catahuainco nanamën noya aꞌchinchi. Chiníquën cancantato, aꞌchinchi. Yosësoꞌ yanichaꞌëpirinpoahuëꞌ, naꞌa piyapiꞌsasoꞌ co nitochátërapihuëꞌ.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.