Lucas 21:12 - Chayahuita (Shahui)

¹² Coꞌhuara maꞌsha onpoyatërasohuëꞌ, co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Cotio niyontonpiso pëiquë shaꞌhuirapiarinënquëmaꞌ. Tashinan pëiquë poꞌmorarinënquëmaꞌ. Imaramacoso marëꞌ copirno yaꞌhuërinquëntaꞌ quëpararinënquëmaꞌ.

Lucas 21:12 ပူးပေါင်းရင်းမြစ်များ

Mateo 22:6

Aꞌnaquënisoꞌ, piyapinënpita masahuatona ahuëpi. Inapotatonaꞌ tëpapi.

Mateo 24:8

Niꞌcoꞌ. Sanapi yahuaihuachina, iquitárin, co aꞌnaroáchin huairinhuëꞌ. Inapochachin ayaroꞌ tahuëri yaꞌcaritohuachin, piyapiꞌsaꞌ parisitaponaraihuëꞌ, co isoroꞌpaꞌ taꞌhuanchátëraponhuëꞌ.

Lucas 21:11

Aꞌna parti aꞌna parti panca ocohua paꞌsarin. Cosharori pahuantohuachinaꞌ, piyapiꞌsaꞌ tanari tiquirarin. Nisha nisha parti chiníquën canio matarin. Naꞌa taquirapi. Yosë nohuanton, nisha nisha maꞌsha inápaquë yaꞌnoarin. Quënanahuatonaꞌ, piyapiꞌsaꞌ paꞌyanapi. Yaꞌipiya tëꞌhuatapi. Ayaroꞌ tahuëri yaꞌcaritohuachin, ayonquicaiso marëꞌ napoarin.

Juan 15:20

Noꞌhuirinaco niꞌton, canpitantaꞌ noꞌhuiarinënquëmaꞌ. Nani shaꞌhuitëranquëmaꞌ: ‘Huaꞌanëmaco niꞌton, co canpitasoꞌ noya noya niꞌsarinënquëmahuëꞌ,’ itëranquëmaꞌ. Aparisitërinaco niꞌton, canpitantaꞌ aparisitarinënquëmaꞌ. Aꞌchinahuësoꞌ natëhuachinaꞌ, canpitantaꞌ natëarinënquëmaꞌ.

Juan 15:21

Napoaponahuëꞌ, imaramaco niꞌton, naꞌcon naꞌcon piyapiꞌsaꞌ aparisitarinënquëmaꞌ. Tata Yosë aꞌpaimarincosoꞌ co nohuitopihuëꞌ niꞌton, noꞌhuiarinënquëmaꞌ.

Hechos 22:30

Tahuëririnquë capitan huaꞌani yanatantërin. “¿Maꞌmarëtaꞌ cotioroꞌsari shaꞌhuirapipi?” taꞌton, sontaroꞌsaꞌ shaꞌhuitërin Paono ocoicaiso marëꞌ. Naporahuaton, yaꞌipi cotio huaꞌanoꞌsaꞌ amatërin. Corto huaꞌanoꞌsaꞌ chini chiníquën nanantopisontaꞌ amatërin. Nani niyontonpachinara, inaquë Paono quëparin natanacaiso marëꞌ.

Hechos 5:40

Caꞌtanoꞌsaꞌ naquëranchin amatantarahuatonaꞌ, chiníquën huihuipi. “Ama huachi insontaꞌ Quisoso nanamën shaꞌhuitocosohuëꞌ,” itahuatonaꞌ, aꞌpapi huachi.

Hechos 8:3

Saonoso nipirinhuëꞌ Quisoso imapisopita aparisitaton, pëinënaquë huarëꞌ yaꞌconaꞌpiarin. Quëmapiꞌsaꞌ masahuaton, ohuararahuaton, tashinan pëiquë poꞌmorin. Sanapiꞌsantaꞌ inaquë poꞌmorin.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

1 Pedro 2:13

Sinioro imaramaꞌ niꞌton, huaꞌanoꞌsaꞌ natëcoꞌ. Yaꞌipi acorinsopitantaꞌ natëcoꞌ. Copirnosoꞌ chini chiníquën nanantërin niꞌton, natëcasoꞌ yaꞌhuërin.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.