Lucas 21:11 - Chayahuita (Shahui)

¹¹ Aꞌna parti aꞌna parti panca ocohua paꞌsarin. Cosharori pahuantohuachinaꞌ, piyapiꞌsaꞌ tanari tiquirarin. Nisha nisha parti chiníquën canio matarin. Naꞌa taquirapi. Yosë nohuanton, nisha nisha maꞌsha inápaquë yaꞌnoarin. Quënanahuatonaꞌ, piyapiꞌsaꞌ paꞌyanapi. Yaꞌipiya tëꞌhuatapi. Ayaroꞌ tahuëri yaꞌcaritohuachin, ayonquicaiso marëꞌ napoarin.

Lucas 21:11 ပူးပေါင်းရင်းမြစ်များ

Copo naporinso' 41:9

Inasoꞌ topinan niꞌsharapirinahuëꞌ, paꞌyani tëpa tëparapon.

Joel 2:30

Ca nohuanton panca maꞌsha inápaquë yaꞌnorarin. Quënanpachina paꞌyanapi. Isoroꞌpaquëntaꞌ, piyapiꞌsa ayonquiaꞌhuaso marëꞌ maꞌsha acoarahuë: Huënaiꞌ, pën, conai tomontërinsoꞌ, inapita niꞌsapi.

Mateo 24:7

Nisha nisha nananquë nonpisopita ninoꞌhuitonaꞌ, quira nisapi. Copirnoroꞌsa capini ninoꞌhuitonaꞌ, piyapinënpita camairapi quira nicacaiso marëꞌ. Nisha nisha parti cosharoꞌ pahuanpachin, tanari piyapiꞌsaꞌ tiquirarin. Naporahuaton, aꞌna parti aꞌna parti ocohua paꞌsarin.

Lucas 21:10

Nisha nisha piyapiꞌsa capini quira nisapi. Copirnoroꞌsa capini ninoꞌhuitonaꞌ, piyapinënpita camairapi quira nicacaiso marëꞌ.

Lucas 21:12

Coꞌhuara maꞌsha onpoyatërasohuëꞌ, co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Cotio niyontonpiso pëiquë shaꞌhuirapiarinënquëmaꞌ. Tashinan pëiquë poꞌmorarinënquëmaꞌ. Imaramacoso marëꞌ copirno yaꞌhuërinquëntaꞌ quëpararinënquëmaꞌ.