Lucas 20:46 - Chayahuita (Shahui)

⁴⁶ “Niꞌcona cotio maistroꞌsaꞌ nonpintochinënquëmaꞌ. ‘Noya noyacoi,’ taꞌtonaꞌ, naporopi aꞌmopi piyapiꞌsari nicacaiso marëꞌ. Cachiquë paꞌpachinara, naꞌa piyapiꞌsari nontopi. ‘Huëꞌcama maistro,’ itohuachinara, paꞌyatopi. Niyontonpiso pëiquë yaꞌconahuatonaꞌ, huaꞌanoꞌsapitarëꞌ yahuënsëconpi. Pita nipachinara, huancánachin yahuënsëconpi.

Lucas 20:46 ပူးပေါင်းရင်းမြစ်များ

Mateo 16:6

Ina quëran Quisosori itërin: —Parisioroꞌsaꞌ, satosioroꞌsaꞌ inapita, pan ahuëpocatërinsoꞌ pochin yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Mateo 23:1

Ina quëran piyapiꞌsaꞌ aꞌchintantarin. Caꞌtanoꞌsanënpitantaꞌ natanapi.

Marcos 8:15

Quisosoriso nipirinhuëꞌ pënënarin: —Niꞌcona iyaroꞌsaꞌ. Pan ahuëpocatërinso pochin parisioroꞌsaꞌ yaꞌhuëtopi. Irotisë imapisopitantaꞌ yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Lucas 11:43

Parisioroꞌsanquëmaꞌ, ¡maꞌhuantacha canpitasoꞌ nisarama paya! Niyontonpiso pëiquëntaꞌ piyapiꞌsaꞌ nocanamaꞌ. Huaꞌanoꞌsapitarëꞌquëmaꞌ yahuënsëconamaꞌ. ‘Ma noyacha canpitasoꞌ nitotëramaꞌ,’ itohuachinënquëmara, paꞌyatëramaꞌ. Cachiquë paꞌpatamara: ‘Huëꞌcama maistro,’ itohuachinënquëmara, paꞌyatëramaꞌ.

Lucas 12:1

Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Lucas 14:7

Yacoshatohuachinara, naꞌa piyapiꞌsaꞌ huaꞌan pirayan yahuënsëpi. “Huaꞌan pirayan huënsëhuato, chiníquën nanantonaꞌpi pochin niꞌsarinaco,” taꞌtonaꞌ, inaquë huënsëconpi. Ina niꞌsahuaton, Quisosori itërin:

Lucas 20:47

Noya nonaponaraihuëꞌ, aꞌnaya aꞌnaya quëyoronoꞌsaꞌ nonpintatonaꞌ, maꞌshanënpita matopi. Ama noninacaiso marëhuëꞌ huaꞌquiꞌ Yosë nontopirinahuëꞌ, co cancanëna quëran natëpihuëꞌ. Ina marëꞌ aquë aquëtëꞌ Yosëri anaꞌintarin,” itërin.

Romanos 12:10

Imaramasopita capini noya ninosorocoꞌ. Iyaparima pochin niniꞌcoꞌ. Ama “Casoꞌ noya noyaco,” tocosohuëꞌ. Aꞌnapita noya noya niꞌcoꞌ.

2 Timoteo 4:15

Yosë nanamën aꞌchinahuë niꞌton, chiníquën noꞌhuirinco. “Nonpiánin,” tënin. Napoaton niꞌquëna quëmanta inapotochinquën.

3 Juan 1:9

Yaꞌipi yaꞌhuëramaquë imaramasopita quirica nani ninshitëranquëmaꞌ. Tiotripisëso nipirinhuëꞌ, co yanatërincohuëꞌ. Inasoꞌ huaꞌan pochin yaninin.