Lucas 20:35 - Chayahuita (Shahui)

³⁵ Aꞌnaquën Yosëri noya niꞌninsopita inápaquë pantarapi. Nanpiantahuachinaꞌ, co huachi saꞌaponahuëꞌ. Sanapiꞌsantaꞌ co soꞌyaponahuëꞌ.

Lucas 20:35 ပူးပေါင်းရင်းမြစ်များ

Mateo 12:32

Casoꞌ Yosë quëran quëmapico nipirahuë pinopatamaco, ina marëꞌ oshahuanpiramahuëꞌ, oshanëma marëꞌ sëtohuatamaꞌ, inquitarinquëmaꞌ. Nipirinhuëꞌ, Ispirito Santo pinopatamaꞌ, co oshanëmaꞌ inquitarinquëmahuëꞌ. Co onporontaꞌ inquitarinquëmahuëꞌ,” itërin Quisosori.

Mateo 22:29

—Canpitasoꞌ co noꞌtëquën yonquiramahuëꞌ. Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ co nitotëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosësoꞌ yaꞌipiya nanitaparin.

Marcos 10:42

Quisososo nipirinhuëꞌ, yaꞌipi caꞌtanoꞌsanënpita përasahuaton, pënënin. —Co Yosë imapisopitahuëꞌ chiníquën nanantacaisoꞌ paꞌyatopi. Huaꞌan yaꞌconpachinara, chiníquën nanantatonaꞌ, yacamaitopi. Piyapinënpitantaꞌ aparisitopi.

Marcos 12:24

—¡Canpitasoꞌ co noꞌtëquën yonquiramahuëꞌ! Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ nontapomarahuëꞌ, co cancanëma quëran natëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosë yaꞌipi nanitaparin.

Lucas 16:8

Huaꞌani natantahuaton, amataantarin. ‘Naquëranchin nonpintantaranco. Nipirinhuëꞌ, “ma noyacha yonquiran paya,” tënahuë,’ itërin huaꞌanëni. Niꞌcoꞌ iyaroꞌsaꞌ. Naꞌa piyapiꞌsaꞌ co noyahuëꞌ nipisopita noya yonquipi inaora canacaiso marëꞌ. Aꞌnaquëmaso nipirinhuëꞌ, imapiramacohuëꞌ, co onpopinchin yonquiramahuëꞌ noya nicacamaso marëꞌ.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Juan 5:29

Natanpachinaco, poꞌoro quëran pipiapi. Noya nipisopita noya noya nanpiantarapi. Co noyahuëꞌ nipisopitaso nipirinhuëꞌ, anaꞌintarahuë,” tënin Quisoso.

Hechos 24:15

“Yosë noꞌtëquën nontërinpoaꞌ,” taꞌto natërahuë. “Aꞌna tahuëri yaꞌipi piyapiꞌsaꞌ ananpitaantarahuë. Noya piyapiꞌsaꞌ, co noya piyapiꞌsahuëꞌ, yaꞌipi ananpitaantarahuë,” tënin Yosë. Ina tahuëri casoꞌ ninarahuë. Isopitantaꞌ ina ninarapi.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

2 Tesalonicenses 1:5

Imaramaso marëꞌ parisitapomarahuëꞌ, noya ahuantëramaꞌ niꞌton: “Tëhuënchachin Yosë catahuarinquëmaꞌ,” tënai. Inasoꞌ noꞌtëquën yonquirin. Yosë nohuanton, ipora parisitaramaꞌ noya noya cancantacaso marëꞌ. Ina quëran noya niꞌsarinquëmaꞌ. Aꞌna tahuëri huaꞌanëntërinquë quëpantarinquëmaꞌ.

Hebreos 11:35

Sanapiꞌsantaꞌ huaꞌhuinpita chiminpachina, Yosë natëpi niꞌton, ina nohuanton nanpiantapi huachi. Aꞌnaquënso nipirinhuëꞌ Yosë natëtonaꞌ, chiníquën parisitopi. “Yosë aꞌpocoꞌ tëpachinënquëmaꞌ,” itopirinahuëꞌ, co yaaꞌpopihuëꞌ. “Co onporontaꞌ aꞌpoaraihuëꞌ. Yosë noya noya ananpitaantarincoi,” taꞌtonaꞌ, imapiso marëꞌ chiminpi.

Apocalipsis 3:4

Napoaponahuëꞌ, caraichinquëmaꞌ noyápiachin cancantëramaꞌ. Canpitaráchin noya nicatomaꞌ, co nëꞌhuëtërinso pochin cancantaramahuëꞌ. Ina marëꞌ canpitasoꞌ noya niꞌsaranquëmaꞌ niꞌton, Yosëꞌpaꞌ ichiyaꞌhuëcontaranquëmaꞌ. Inatohuaꞌ nóya cancantaramaꞌ niꞌton, huiríchin aꞌmocontaramaꞌ.