Lucas 20:28 - Chayahuita (Shahui)

²⁸ —Iráca Maistro Moisësë pënëninpoaꞌ: “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita masarin,” tënin Moisësë ninshitaton.

Lucas 20:28 ပူးပေါင်းရင်းမြစ်များ

Génesis 38:11

Naporoꞌ Cotasoꞌ, Tamara itapon: —Quëyoroantaran niꞌquëhuarëꞌ, iporasoꞌ tataparin yaꞌhuërinquë paantaquëꞌ. Huiꞌnahuë Sira itërahuëso huiꞌnapitaquë huarëꞌ, inaquë yaꞌhuëtaquëꞌ, itërin. Itaponahuëꞌ, co tëhuënchachin napotërinhuëꞌ. Nonpintaton naporin: “Sira yaꞌhuërëꞌ, iinpita pochachin chimiantahuachin,” taꞌton naporin. Napoaton Tamarasoꞌ, paꞌpin yaꞌhuërinquë paꞌnin yaꞌhuapon.

Génesis 38:26

Cotasoꞌ, shiini aꞌpatërinsopita nohuitahuaton, naporin: “Tëhuënchachin caso co noyahuëꞌ ninahuëꞌ. Co Sira acoantatohuëꞌ, tëhuërahuë. Inaso nipirinhuëꞌ, noya noya ninin,” tënin. Naporo quëran huarëꞌ Cotasoꞌ, co huachi onporo tëranta shiin tëcariantarinhuëꞌ.

Génesis 38:8

Napohuachina, Cotari Onan yaꞌhuërëꞌ itapon: —Iya masho ayananpirinso saꞌin, quëmari maquëꞌ. Canpoaso inachintërëhua niꞌton, imoya macaton, inaquë huiꞌnahuanquëꞌ. Huiꞌnahuanpatan, Iri quëran pipicaiso nipisopita quëmá quëran yaꞌhuëtarin huachi, itërin.

Lucas 20:29

Canchisë iyaroꞌsaꞌ yaꞌhuërin. Paninansoꞌ saꞌapirinhuëꞌ. Co huiꞌnin yaꞌhuëyátërasohuëꞌ, saꞌin ayananpirin.