Lucas 20:22 - Chayahuita (Shahui)

²² Napoaton yanatanainquën. Noma copirnosoꞌ nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Coriqui maꞌpainpoaso marëꞌ comisionën aꞌparin. Huëꞌpachinaꞌ, ¿noya ipora quëtacasoꞌ ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Lucas 20:22 ပူးပေါင်းရင်းမြစ်များ

Nehemías 9:37

Naꞌcon nitërinso mapiraihuëꞌ, nisha copirnoroꞌsa matërachinincoi. Oshanëhuëi marëꞌ anaꞌintatoncoi, ina copirnoroꞌsaquë yoꞌnancoi. Pëꞌtahuanëhuëipita quëran huarëꞌ, nohuantopisoꞌ nitopi. Inapoatoi paꞌpi parisitarai,” itërin.

Mateo 17:25

—Pahuërëtërin mini, itërin Pitrori. Ina quëran pëiquë yaꞌconpachina, inaquë Quisoso quënanconin. Coꞌhuara shaꞌhuichátërasohuëꞌ, inari ninoton, itërin: —Piꞌpian iyasha natainquën. Copirnoroꞌsaꞌ coriqui nohuantohuachinara, ¿inpitataꞌ maꞌparin? ¿Quëmopinënpita quëran huarëꞌ maꞌparin to? itërin.

Lucas 20:21

Itohuachinara, paꞌpi Quisoso nontaponaꞌ: —Ma noya Maistro nontërancoi. Noꞌtëquën aꞌchinan. Yosë nanamën noꞌtëquën aꞌchintatoncoi, co huaꞌan tërantaꞌ tëꞌhuatëranhuëꞌ.

Lucas 20:23

Quisososo nipirinhuëꞌ yonquipisopita nitotërin. —¿Onpoatomataꞌ yaatëhuëramaco?

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Hechos 5:37

Ina piquëran copirno shaꞌhuitërinpoaꞌ nininënpoaꞌ niacotacasoꞌ. Naporoꞌ aꞌnantaꞌ yaꞌhuërin, Cotasë Caririaquë yaꞌhuërinsoꞌ. Naꞌcon miáchin piyapiꞌsari imasapirinahuëꞌ, inantaꞌ tëpahuachinara, imapisopita yanquëëpi.

Romanos 13:7

Yaꞌipiya noꞌtëquën pahuërëtocoꞌ. Huaꞌanoꞌsaꞌ catahuacaso marëꞌ pahuërëtacasoꞌ yaꞌhuëhuachinaꞌ, quëtocoꞌ. Chiníquën nanantopi niꞌton, noya nicatomaꞌ, natëcoꞌ.