Lucas 2:37 - Chayahuita (Shahui)

³⁷ soꞌini ayananpirin niꞌton, nani huaꞌquiꞌ quëyoronin. Nani posa shonca catapini piꞌipitërin. Yosë chinotopiso pëiquë yaꞌhuëmiatërin. Tahuërirë chachin, tashirë chachin Yosë chinotërin. Apira apira Yosë yonquirin. Co cosharoꞌ yonquiatonhuëꞌ, Yosë nontárin.

Lucas 2:37 ပူးပေါင်းရင်းမြစ်များ

Salmos 22:2

Tahuëri tashirë chachin nontápiranquënhuëꞌ, co aꞌpanirancohuëꞌ. ¡Inapoato co manta sano cancantërahuëꞌ!

Salmos 23:6

Noya noyanquën niꞌton, nosoromiatëranco. Chiminaꞌhuaquë huarëꞌ catahuarancoso nisarin. Ina piquërantaꞌ, quëmaroꞌco chachin yaꞌhuëranquë yaꞌhuëmiatarahuë.

Salmos 27:4

Aꞌnaíchin maꞌsha Sinioro natainquën acotoco. Ina paꞌpi nohuantato napoarahuë. Quëma pëinënquë quëtoco yaꞌhuëꞌi. Inaquë yaꞌhuëato chinotaꞌinquën. Noyápiachin ninansoꞌ, niꞌsaꞌi.

Salmos 84:10

Huaranca tahuëri niquë yaꞌhuëpirahuëꞌ, co noya cancantarahuëꞌ. Aꞌna tahuëriíchin tëranta pëinën iꞌiratëquë nipato, noya noya cancantarahuë. Pëinën yaꞌcoananën aꞌpainaꞌpi nicaꞌhuasoꞌ, naꞌcon naꞌcon nohuanchitohuëꞌ. Co noyahuëꞌ nipisopita pëinënquë yaꞌhuëcaꞌhuasoso nipirinhuëꞌ, co nohuantërahuëꞌ.

Salmos 84:4

Pëinënquë chachin aꞌnaquënso yaꞌhuëatonaꞌ, quëma marëꞌ sacatopi. Naporahuatona nani tahuëri chinotërinën. Inapitasoꞌ tëhuënchachin capa cancantopi.

Lucas 5:33

Ina quëran piyapiꞌsari itaantapi: —Coansha imarinsopitasoꞌ, co coshatatonaraihuëꞌ Yosë nontapi. Parisio imarinsopitantaꞌ, inapochachin nipi. Quëma imarinënsopitaso nipirinhuëꞌ, noya coshatapi, oꞌosapi, naporapi, itopi.

Hechos 13:3

Napoaton co coshatatonaraihuëꞌ, inapita marëꞌ chiníquën Yosë nontopi. Nani Yosë nontohuachinara, sëꞌhuamotorahuatonaꞌ, acopi paatonaꞌ aꞌchinacaiso marëꞌ. Ina quëran aꞌpapi.

Hechos 14:23

Yapaꞌpachinara, aꞌnaya aꞌnaya Quisoso imapisopitaquë ansianoꞌsaꞌ acoraꞌpiapi. Noya nipisopitaráchin acoraꞌpiapi. Co coshatatonaraihuëꞌ, inapita marëꞌ Yosë nontopi: “Yaꞌipi isopita, Sinioro, noya natërinënquën. Noya aꞌpaiquëꞌ,” itopi. Cara ninanoquë chachin napopi.

1 Timoteo 5:5

Aꞌnaquën quëyoronoꞌsaso nipirinhuëꞌ, co huaꞌhuinpita yaꞌhuëtërinhuëꞌ. Yosëíchin yonquiarin. “Ina catahuarinco,” taꞌton, nani tahuëri Yosë nontarin. Tashirë chachin nontarin. Inapitasoꞌ catahuahuaꞌ.

Apocalipsis 3:12

Sopai minsëhuatamaꞌ, Yosë yaꞌhuërinquë chachin pantaramaꞌ. Piyon pëiꞌ achinirinso pochin naꞌcon nohuantaranquëmaꞌ. Napoaton yaꞌhuëmiatontaramaꞌ. Co pipiaramahuëꞌ. Yosë co onporontaꞌ aꞌpoarinquëmahuëꞌ. Nininën chachin acotaranquëmaꞌ. Aꞌna tahuëri panca ninanoꞌ yaꞌhuapon. Inápa quëran oꞌmararin. Nasha Quirosarin itopisoꞌ. Ina nininëontaꞌ acotaranquëmaꞌ. Cantaꞌ Quisosoco oꞌmantahuato, nasha nininëhuë acotaranquëmaꞌ. Co onporontaꞌ aꞌpoaranquëmahuëꞌ.

Apocalipsis 7:15

Napoaton Yosë yaꞌhuërinquë huëntapi. Tahuërirë chachin tashirë chachin ina chinotapi. Yosëri ichiyaꞌhuëaton, niꞌsarin.

1 Samuel 2:2

¡Inasáchin noya noyasoꞌ! ¡Co insonta ina pochin paꞌpoyarinpoahuëꞌ! Co aꞌna yosë ina pochin yaꞌhuërinhuëꞌ.