Lucas 2:22 - Chayahuita (Shahui)

²² Moisësë iráca pënëntërin: “Sanapi huaihuachin, aꞌna yoqui pochin ninaꞌin. Ina quëran Yosë chinotopiso pëiquë yaꞌcoantaꞌin,” tënin. Cotioroꞌsaꞌ napopiso chachin aꞌna yoqui pochin nanihuachina, Maria, Cosi inapitaso Quirosarinꞌpaꞌ paantapi pënëntërinsoꞌ natëcaso marëꞌ. Naporoꞌ huaꞌhuin Yosë chinotopiso pëiquë quëpapi inaquë Yosë nontacaiso marëꞌ. “Iso huaꞌhuasha, Sinioro, noya aꞌpaiquëꞌ quëma piyapinën niin,” itopi.

Lucas 2:22 ပူးပေါင်းရင်းမြစ်များ

Lucas 2:27

Naporoꞌ tahuëri Ispirito Santo nohuanton, Yosë chinotopiso pëiquë paꞌnin antaꞌ. Cosintaꞌ saꞌinë chachin inaquë nisapi. Pënëntopisoꞌ natëtonaꞌ, inaquë Quisosoaꞌhuaya quëpapi niꞌton, Simioni quënanconin.

1 Samuel 1:22

Anaso napoaponahuëꞌ, co paꞌninhuëꞌ. Coꞌhuara soꞌin paꞌshátëraponhuëꞌ: —Co caso inatohua paꞌshatërapohuëꞌ. Huaꞌhuasha aꞌpota huarëꞌ paꞌsarahuë. Nani aꞌpotohuachin, Sinioronquën nicacaso marëꞌ quëpatarahuë. Acoonpato, inaso inaquë yaꞌhuëapon, itërin. Napotohuachina, soꞌini itapon: —Inta nipachin. Maꞌsona nicacaso yonquiransoꞌ, niquëꞌ. Ina aꞌpota huarëꞌ, isëranchin yaꞌhuëtaquëꞌ. Sinioro chachin catahuainquën ina shaꞌhuitëransoꞌ nicacaso marëꞌ, itërin. Soꞌini napotohuachina, inaso quëparitaton inaquëranchin huaꞌhuin asoꞌsorin. Soꞌsohuachina aꞌpotërin.

1 Samuel 1:25

Nani inaquë nipachina aꞌnara toroaꞌhua Sinioro marëꞌ tëpapi. Inapotahuatona Iri corto huaꞌan huaꞌhuasha aꞌnotopi.