Lucas 2:21 - Chayahuita (Shahui)

²¹ Huaꞌhuasha posa tahuëritohuachina, marca acotopi. Naporoꞌ nininën acotopi huachi. Quisoso itopi. Coꞌhuara Maria huaꞌhuayantërasohuëꞌ, anquëniri shaꞌhuitërin ina nininën acocasoꞌ niꞌton, napotopi.

Lucas 2:21 ပူးပေါင်းရင်းမြစ်များ

Génesis 17:12

Ipora quëran huarëꞌ yaꞌipi quëmapinquëma ninamasopita, nasitërin quëran posa tahuëritapasoꞌ, marcanën acotocoꞌ. Huiꞌnamantaꞌ, inapotocoꞌ. Piyapinëma nisharoꞌsa paꞌantëramasonta inapotocoꞌ.

Mateo 1:21

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

Mateo 1:25

Macaponahuëꞌ, co ichihuëꞌërinhuëꞌ. Huaꞌhuin nasitërin piquëran huarëꞌ ichihuëꞌërin. Quëmapiaꞌhuaya nasitohuachina, Quisoso itopi.

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Lucas 1:31

Natanco shaꞌhuichinquën. Quëmasoꞌ huaꞌhuanaran. Quëmapiaꞌhuaya huaihuatan, Quisoso itëquëꞌ.

Lucas 1:59

Huaꞌhuasha posa tahuëritohuachina, marca yaacotopi. “Niapoquëꞌ. Sacariasë itëquëꞌ,” itopi aꞌnaquëni.

Filipenses 2:8

Isoroꞌpaquë yaꞌhuëhuachina, Yosëíchin natërin. Ina nohuanton, canpoa marëꞌ chiminin. Yosë huiꞌnin niponahuëꞌ, corosëquë patanantohuachinara, chiminin.