Lucas 2:20 - Chayahuita (Shahui)

²⁰ Ina quëran pëꞌtahuatonaꞌpiroꞌsaꞌ paantapi. “Maꞌpítacha natanëhua paya. Maꞌpítacha niꞌnëhua paya. Anquëniroꞌsaꞌ itërinpoaso chachin quënanëhuaꞌ. ¡Ma noyacha Tata Yosëso paya!” topi.

Lucas 2:20 ပူးပေါင်းရင်းမြစ်များ

Salmos 107:15

Siniorosoꞌ nosoromiatërinpoa niꞌton, nani maꞌsha onporëhuaquë paꞌyápiro ninin. Inapoaton catahuarinpoaꞌ. Ina marëꞌ, “Yosparinquën Sinioro,” itahuaꞌ.

Salmos 107:21

Siniorosoꞌ nosoromiatërinpoa niꞌton, nani maꞌsha onporëhuaquë paꞌyápiro ninin. Inapoaton catahuarinpoaꞌ. Ina marëꞌ, “Yosparinquën Sinioro,” itahuaꞌ.

Salmos 107:8

Sinioroso nosoromiatërinpoa niꞌton, nani maꞌsha onporëhuaquë paꞌyápiro ninin. Inapoaton catahuarinpoaꞌ. Ina marëꞌ, “Yosparinquën Sinioro,” itahuaꞌ.

Mateo 9:8

Piyapiꞌsaꞌ ina nicatonaꞌ, paꞌyanpi. —¡Ma noyacha Yosëri catahuarin paya! Piyapi niponahuëꞌ chiníquën nanan quëtërin paya, topi.

Marcos 1:7

“Ca piquëran aꞌna quëmapi huëꞌsarin chini chiníquën nanantërinsoꞌ. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ.

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.