Lucas 2:10 - Chayahuita (Shahui)

¹⁰ Anquënirisoꞌ itapon: “¡Ama paꞌyancosohuëꞌ! Noya nanan shaꞌhuichinquëmaꞌ yaꞌipi piyapiꞌsaꞌ noya cancantacaiso marëꞌ.

Lucas 2:10 ပူးပေါင်းရင်းမြစ်များ

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Isaías 41:27

Ca mini tëhuënchinsoꞌ shaꞌhuirahuë. Aꞌnara nanan shaꞌhuinaꞌpi Quirosarinquë aꞌparahuë: ‘Co huaꞌquiya quëranhuë Quirosarin yaꞌhuëhuanoꞌsa quëpapiso huënantaponaꞌ,’ taꞌcaso marëꞌ aꞌparahuë.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Isaías 52:10

Nisha nisha piyapiꞌsa niꞌtonënquë Sinioro chiníquën nanantërinsoꞌ aꞌnorin. Yosënënpoa nichaꞌërinpoasoꞌ, yaꞌipiroꞌpaquë yaꞌhuëpisopita nitotaponaꞌ.

Isaías 52:7

¡Ma noyacha niꞌton, motopiaꞌhuaroꞌsataquëchin noya nanan shaꞌhuitaponpoa canquiarin paya! Sinioro nichaꞌërinpoa niꞌton, sano yaꞌhuëarihua huachi. Quirosarinquë yaꞌhuëpisopita itapon: “Yosë chinotëramasoꞌ, copirno yaꞌconin huachi,” tosarin.

Isaías 61:1

Sinioro piyapinën naporin: “Sinioro ispiritonën yaꞌcoancantërinco niꞌton, noya catahuarinco. Ina chachin acorinco popriyaroꞌsa noya nanan shaꞌhuitaꞌhuaso marëꞌ. Aparisitopisopita catahuacaꞌhuaso marëꞌ acorinco. Yaꞌhuëpi quëran quëparahuatona huaꞌanëntapirinahuëꞌ, yaꞌhuëpiquë chachin paantacaiso shaꞌhuitarahuë. Tashinan pëiquë pochin yaꞌhuëapisopitantaꞌ, ina quëran pipicaisoꞌ shaꞌhuitarahuë.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 14:27

aꞌnaroáchin Quisosori nontërin. —¡Coꞌta ca huëꞌsarahuë. Ama paꞌyancosohuëꞌ! Chiníquën cancantocoꞌ, itërin.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Mateo 28:5

Ina quëran sanapiꞌsantaꞌ canquihuachinara, anquëniri itërin: —Ama paꞌyancosohuëꞌ. Quisoso corosëquë patanantopisoꞌ yonisaramasoꞌ, nitotërahuë.

Marcos 1:15

“Nani tahuëri nanirin huachi. Iso tahuëriꞌsaꞌ Yosë yahuaꞌanëntarinquëmaꞌ. Napoaton yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. Naporahuaton noya nanan natëcoꞌ Yosë nichaꞌëinquëmaꞌ,” itërarin.

Marcos 16:15

Ina quëran itaantarin: “Yaꞌipi parti, iyaroꞌsaꞌ, pacoꞌ. Yaꞌipi piyapiꞌsaꞌ noya nanan carinquëmaꞌ shaꞌhuitëranquëmasoꞌ shaꞌhuitocoꞌ.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 1:30

—Ama Maria, paꞌyanquësohuëꞌ. Yosë noya niꞌninquën.

Lucas 2:11

Ipora tashiꞌ aꞌnara quëmapiaꞌhuaya Pirinquë nasitërin. Inasoꞌ Cristo, Yosëri aꞌpaimarinsoꞌ. Sinioro niꞌton, chinotacasoꞌ yaꞌhuërin. Nani oꞌmarin piyapiꞌsaꞌ cancanënaꞌ anoyatacaso marëꞌ.

Lucas 24:47

Ina nanan chachin shaꞌhuicasoꞌ yaꞌhuërin. “Co noyahuëꞌ yonquiramasopita naniantohuatamaꞌ, oshanëmaꞌ inquitarinquëmaꞌ,” itocoꞌ. Quirosarinquëꞌton shaꞌhuicasoꞌ yaꞌhuërin. Ina quëran nisha nisha nananquë nonpisopita shaꞌhuitacasoꞌ yaꞌhuërin.

Lucas 8:1

Ina quëran nisha nisha ninanoquë Quisoso paꞌnin aꞌchinapon. Aꞌnaquën pancana, aꞌnaquën co pancanayahuëꞌ niponahuëꞌ, inaquëntaꞌ paaton, noya nanan aꞌchinarin. “Yosë yahuaꞌanëntërinquëmaꞌ,” itëraꞌpiarin. Shonca catoꞌ caꞌtanoꞌsanënpitari imasapi.

Hechos 13:32

Quiyantaꞌ, iyaroꞌsaꞌ, noya nanan shaꞌhuitarainquëmaꞌ. Iráca Yosëri shimashonënpoapita nontaton, shaꞌhuitërin.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Colosenses 1:23

Imamiatohuatamaꞌ, Yosë noya niꞌsarinquëma huachi. Noya nanan natanamaꞌ. “Nichaꞌësarinpoaꞌ,” taꞌtomaꞌ, natërama huachi. Natëmiatocoꞌ. Ama, iyaroꞌsaꞌ, nisha nisha yonquicosohuëꞌ. Ama piꞌpian tërantaꞌ aꞌpocosohuëꞌ. Yaꞌipi parti noya nanan chachin aꞌchinapi. Inachachin cantaꞌ aꞌchinarahuë.