Lucas 19:9 - Chayahuita (Shahui)

⁹ Itohuachina, Quisosori itërin: —Ipora tahuëri Yosë nichaꞌërinquën. Saꞌan, huiꞌnanpita, inapitantaꞌ nichaꞌërin. Apraan shinquën niꞌton, nichaꞌërinquën.

Lucas 19:9 ပူးပေါင်းရင်းမြစ်များ

Lucas 13:16

Iso sanapiso nipirinhuëꞌ Yosë piyapinën niponahuëꞌ, huaꞌquiꞌ parisitërin. Nani shonca posa piꞌipi Satanasëri aparisitopirinhuëꞌ, ipora huarëꞌ nichaꞌërahuë. Chinoto tahuërintaꞌ anoyatacasoꞌ yaꞌhuërin tënahuë. ¿Maꞌtaꞌ canpitasoꞌ yonquiramaꞌ? itërin.

Lucas 13:30

Aꞌnaquënsoꞌ ipora co piyapiꞌsari noya niꞌpirinahuëꞌ, aꞌna tahuëri Yosëri nóya niꞌsarin. Aꞌnaquënso nipirinhuëꞌ ipora piyapiꞌsari noya niꞌpirinahuëꞌ, aꞌna tahuëri co Yosëri noya niꞌsarinhuëꞌ, itërin Quisosori.

Lucas 16:24

Napoaton chiníquën përarin: ‘¡Tata Apraan, nosoroco cantaꞌ! Pënquë parisitárahuë. Nasaro aꞌpatimaco iꞌsha piꞌpian tërantaꞌ apiꞌnichinco,’ itopirinhuëꞌ.

Lucas 16:30

‘Nani nontaponaraihuëꞌ, co natëpihuëꞌ. Nipirinhuëꞌ, chimininsoꞌ nanpiantahuaton, pënënconpachin, natëponaꞌ nimara. Co noyahuëꞌ yonquipisopita naniantatonaꞌ, Yosë tahuërëtantaponaꞌ nimara, topirahuëꞌ,’ tënin.

Lucas 2:30

Iso huaꞌhuasha nani niꞌnahuë. Nichaꞌëincoiso marëꞌ aꞌpaimaran.

Lucas 3:8

Co noyahuëꞌ yonquiramasopita naniantatomaꞌ, noya nicoꞌ. Ama ninonpintocosohuëꞌ. “Quiyasoꞌ Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Romanos 4:16

Napoaton Apraaniso natëton: “Yosë noꞌtëquën nontërinco,” topachina, Yosëri itërin: “Oshahuanpiranhuëꞌ, caora nohuanto, nosoroatënquën catahuaranquën. Huiꞌnanpitantaꞌ catahuarahuë,” itërin Yosëri. Co cotioroꞌsaráchin nosororinhuëꞌ. Yaꞌipi Apraan pochin cancantopisopitantaꞌ nosororin. Ina huiꞌninpita pochin ninëhuaꞌ.

Gálatas 3:14

“Yosë noꞌtëquën nontërinco,” tënin Apraan. Ina tëninso marëꞌ Yosëri noya niꞌnin. Nisha piyapiroꞌsarintaꞌ imacaiso marëꞌ Quisocristo chiminin. Ina natëhuachinara, Yosëri noya niꞌnin. Yaꞌipinpoaꞌ Quisocristo imapatëhuaꞌ, Ispirito Santo yaꞌcoancantarinpoaꞌ. Iráca Yosë shaꞌhuirinso pochachin yaꞌcoancantarinpoaꞌ.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.

Gálatas 3:7

Iporasoꞌ canpoantaꞌ: “Yosë noꞌtëquën nontërinpoaꞌ niꞌton, imasarahuë,” topatëhuaꞌ, Apraan pochin cancantarihuaꞌ. Ina pochin cancantohuatëhuaꞌ, Yosë noya niꞌsarinpoaꞌ. Inantaꞌ iyaroꞌsaꞌ nitotocoꞌ.

1 Pedro 2:10

Iráca co Yosë piyapinënpita nipiramahuëꞌ, iporasoꞌ nani huëntonënquë ayaꞌconinquëmaꞌ. Iráca co insontaꞌ tëhuënchachin nosororinquëmahuëꞌ. Iporasoꞌ Yosë nosororinquëmaꞌ.