Lucas 19:8 - Chayahuita (Shahui)

⁸ Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

Lucas 19:8 ပူးပေါင်းရင်းမြစ်များ

Éxodo 20:16

Ama piyapi nonpinapicosohuëꞌ.

Ezequiel 33:15

Maꞌsha aꞌnantohuachin: ‘Iꞌhuërëtaꞌhuanquënso nitotacaso marëꞌ, iso maꞌsha quëchinquën,’ itatona quëtopisoꞌ, ayantërin. Ihuatërinsontaꞌ, huaꞌanën chachin quëtaantarin. Pënëntërahuësopita piyapiꞌsari natëhuachinaꞌ, inapitari ananpirin. Yaꞌipi inapita noꞌtëquën natëton, co noyahuëꞌ nininsopita aꞌporin. Naporin. Naponaꞌpisoꞌ, co chiminaponhuëꞌ, tëhuënchachin nanpipon.

Lucas 11:41

Cancanëma quëran huarëꞌ saꞌahuaroꞌsaꞌ catahuacoꞌ. Nosorohuatamaꞌ, noyápiachin cancantaramaꞌ.

Lucas 12:33

Ama naꞌcon maꞌsha yontoncosohuëꞌ. Maꞌsha yaꞌhuëtohuachinquëmaꞌ, paꞌanahuatomaꞌ, saꞌahuaroꞌsaꞌ quëtocoꞌ. Inapotohuatamaꞌ, Yosë acanaarinquëmaꞌ. Isoroꞌpaquë maꞌsha aꞌnaroáchin mocarin. Ihuarinënpoaꞌ. Maꞌshari aꞌquirin. Inapaquëso nipirinhuëꞌ Yosë acanahuachinpoaꞌ, yaꞌhuëtomiatarinpoaꞌ.

Lucas 16:9

Coriqui yaꞌhuëtohuachinquëmaꞌ, ama canpitaoráchin iꞌquicosohuëꞌ. Aꞌnapita pahuantohuachinaꞌ, quëtocoꞌ. Inapohuatamaꞌ, Yosëꞌpaꞌ noya niꞌsarinquëmaꞌ. Chiminpatamaꞌ, Yosë inápaquë quëpantarinquëmaꞌ. Coriquinëmaꞌ patopiramahuëꞌ, inatohuaꞌ noya noya yaꞌhuëcontaramaꞌ.

Lucas 19:7

Piyapiꞌsari quënanahuatonaꞌ, ninontapi. “¿Onpoatontaꞌ oshahuan pëinënquë yacahuatonin?” nitopi.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

1 Samuel 12:3

Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.