Lucas 19:5 - Chayahuita (Shahui)

⁵ Quisososoꞌ inaquë canconahuaton, nëꞌpëconin. —Iya Saquio, manóton nohuaraquëꞌ. Ipora tahuëri quëma pëinënquë yacahuaranquën, itërin.

Lucas 19:5 ပူးပေါင်းရင်းမြစ်များ

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Lucas 19:2

Inaquë aꞌna maꞌhuan yaꞌhuërin. Saquio itopisoꞌ. Inasoꞌ, coriqui copirno marëꞌ maꞌpatonaꞌpiroꞌsaꞌ huaꞌanën niꞌton, chiníquën nanantërin.

Lucas 19:4

Napoaton taꞌarëꞌnachin piyapiꞌsaꞌ naꞌhuëtërahuaton, naraquë nanpëconin. “Isëquëchin Quisoso huëꞌsarin,” taꞌton, inaquë huënsëarin Quisoso nococaso marëꞌ.

Lucas 19:6

Napotohuachina, manorahuaton, nohuaraimarin. Paꞌyataton, “Noya Maistro. Huëquëꞌ niꞌquico,” itërin. Ina quëran pëinënquë quëparin.

Juan 1:48

—¿Onporahuatontaꞌ nohuitërancosoꞌ? itërin. —Coꞌhuara Pinipi nonchatërasënquënhuëꞌ, ninoto quënananquën. Iquira naraanaquë huënsëasënquën, quënananquën, itërin. Aquë niꞌton, co yaꞌpirin quëran chachin quënanaponahuëꞌ, napotërin niꞌton, Natanino paꞌyanin.

Juan 14:23

Napotohuachina, Quisosori itërin: —Co yaꞌipi piyapiꞌsaꞌ nanitopihuëꞌ nohuitinacosoꞌ. Insosona nosorohuachinaco, natëarinaco. Natëhuachinaco, Tata Yosëri nosoroarin. Inaroꞌco yaꞌcoancantatoi, inaquë yaꞌhuëarai.

2 Corintios 6:1

Yosë acorincoi nanamën aꞌchinaꞌhuaiso marëꞌ. Acoatoncoi, catahuarincoi aꞌchintaꞌhuainquëmaso marëꞌ. “Yosë nosoroatonpoaꞌ, yanichaꞌërinpoaꞌ,” itërainquëmaꞌ. Ama topinan quëran natancosohuëꞌ. Imaco huachi.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.