Lucas 19:47 - Chayahuita (Shahui)

⁴⁷ Ina quëran nani tahuëri inaquë aꞌchinin. Corto huaꞌanoꞌsaꞌ, cotio maistroꞌsa, ninanoꞌ huaꞌanoꞌsaꞌ, inapitasoꞌ noꞌhuitonaꞌ, Quisoso yatëpapirinahuëꞌ.

Lucas 19:47 ပူးပေါင်းရင်းမြစ်များ

Mateo 21:23

Ina quëran Yosë chinotopiso pëiquë paantarin piyapiꞌsaꞌ aꞌchintantacaso marëꞌ. Aꞌchinaquëyaꞌ, cotio ansianoꞌsaꞌ, corto huaꞌanoꞌsaꞌ, inapita huëꞌpi. —¿Onporahuatontaꞌ chiníquën nanantaton, nipaꞌantopisopita aꞌparan? ¿Intaꞌ nanan quëtërinquën ina pochin nicacasoꞌ? Shaꞌhuitocoi, itopi.

Mateo 26:55

Ina quëran piyapiꞌsaꞌ itapon: —Sahuëni, shonqui, inapita sëꞌquërahuatomaꞌ, huëcapairamaco. Tëpatonaꞌpi pochin cancantatomaco, ¿yamanamaco ti? Coꞌtana nani tahuëri Yosë chinotopiso pëiquë huënsëato, aꞌchinárahuë. Nicapomaracohuëꞌ, co manamacohuëꞌ.

Marcos 11:18

“¡Maꞌpitacha nitotërin paya!” topi yaꞌipi piyapiꞌsaꞌ. Napoaton corto huaꞌanoꞌsaꞌ, cotio maistroꞌsaꞌ, inapitanta natanahuatonaꞌ, tëꞌhuatopi. “Yaꞌipi piyapiꞌsari yaimapi,” taꞌtonaꞌ, Quisoso tëpacaisoꞌ chinotopi.

Marcos 12:12

Natanahuatonaꞌ, cotio huaꞌanoꞌsari chiníquën noꞌhuipi. “Chinotatonpoaꞌ pënënarinpoaꞌ,” taꞌtonaꞌ Quisoso yamapirinahuëꞌ tashinan pëiquë poꞌmocaiso marëꞌ. Piyapiꞌsaꞌ niyontonpisopita tëꞌhuatatonaꞌ, co mapihuëꞌ. Patopi huachi.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Marcos 14:49

Coꞌtana nani tahuëriya Yosë pëinënquë yaꞌhuëato, aꞌchinárahuë. Nicapomaracohuëꞌ, co manamacohuëꞌ. Napoaponahuëꞌ, Yosë quiricanën quëran ninorinacoso chachin masaramaco, itërin.

Lucas 19:48

Naꞌa piyapiꞌsari nóya natanatonaꞌ yamotopi niꞌton, co nanitopihuëꞌ macacaisoꞌ.

Lucas 20:19

Ina natanatonaꞌ, corto huaꞌanoꞌsaꞌ, cotio maistroꞌsaꞌ, inapitasoꞌ noꞌhuitopi: “Chinotatonpoaꞌ, pënënarinpoaꞌ,” taꞌtonaꞌ, yamapirinahuëꞌ tashinan pëiquë poꞌmocaiso marëꞌ. Piyapiꞌsaꞌ tëꞌhuatatonaꞌ, co mapihuëꞌ.

Juan 10:39

Ina natanahuatonaꞌ, naquëranchin tashinan pëiquë poꞌmocaiso marëꞌ yamaantapirinahuëꞌ, chaꞌërin.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Juan 7:19

Moisësë iráca pënëntopirinhuëꞌ, co aꞌnayanquëma tërantaꞌ natëramahuëꞌ. ¿Onpoatontaꞌ yatëparamaco? itërin.

Juan 7:44

Aꞌnaquënintaꞌ tashinan pëiquë poꞌmocaiso marëꞌ yamápirinahuëꞌ, co mápihuëꞌ.