Lucas 19:37 - Chayahuita (Shahui)

^37-38 Oriposë panën quëran nohuarapona pochin, imarinsopita chiníquën nonsapi. —¡Ma noyacha Quisososo paya! Nani maꞌsha nitotërin. Yosë nohuanton, naꞌa caniaꞌpiroꞌsaꞌ aꞌnaroáchin anoyatërin, niꞌnai. Yosëri aꞌpaimarin huaꞌanëntinpoaso marëꞌ. Siniorori chachin chiníquën nanan quëtërin. ¡Ma noyacha Yosëso paya! Nanan anoyatërinpoaꞌ niꞌton, noya yonquirinpoaꞌ, topi. Noya cancantatonaꞌ, napopi.

Lucas 19:37 ပူးပေါင်းရင်းမြစ်များ

Mateo 21:1

Nani Quirosarinquë yaꞌcaritahuatonaꞌ, Oriposë panënquë canconpi. Ina yaꞌcariya aꞌna ninanoꞌ yaꞌhuërin, Pitipaqui itopisoꞌ. Inaquë canconahuaton, catoꞌ caꞌtanoꞌsanënpita shaꞌhuitërin:

Marcos 13:3

Ina quëran Oriposë panënquë paꞌsahuaton, inaquë huënsëconin. Caꞌtanoꞌsanënpitaráchin yaꞌhuëapi. Aquë quëran Yosë chinotopiso pëiꞌ notëërapi. Pitro, Santiaco, Coansha, Antërisë, inapitari itaponaꞌ:

Marcos 14:26

Nani Yosë cantanën cantarahuatonaꞌ, Oriposë panënquë paꞌpi.

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Lucas 19:20

Aꞌnantaꞌ nipirinhuëꞌ huëꞌsahuaton, itërin: ‘Quëmasoꞌ sinioro, co nosororancoihuëꞌ niꞌton, tëꞌhuatëranquën. Co sacataponahuëꞌ, canaran. Co shaꞌtopiranhuëꞌ, nitërinsoꞌ manan. Canahuato, topinan osërëtarinco, taꞌto, co sacatërahuëꞌ. Ina nápoꞌ coriqui quëtërancosoꞌ panioquë soꞌpinahuato, taparahuë. Maꞌtana yaꞌhuarin,’ toconin.

Lucas 19:29

Yaꞌcaritahuaton, Oriposë panënquë canconin. Ina yaꞌcariya catoꞌ ninanoꞌ yaꞌhuërin. Aꞌnasoꞌ Pitipaqui itopi. Aꞌnantaꞌ Pitania itopisoꞌ. Inaquë canconahuaton, catoꞌ caꞌtanoꞌsanën shaꞌhuitërin.

Lucas 19:36

Naꞌa piyapiꞌsaꞌ quëchitahuatonaꞌ, aꞌmopisoꞌ iraquë huëtopi. Chiníquën huaꞌan pochin nicatonaꞌ, napotapi. Inaquë Quisoso paꞌsarin.

Lucas 7:16

Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Juan 12:18

Ina marëꞌ notohuaroꞌ piyapiꞌsaꞌ Quisoso nacapiaponaꞌ paꞌpi.