Lucas 19:26 - Chayahuita (Shahui)

²⁶ ‘Ina mini quëtëquëꞌ. Noya natërinco niꞌton, naꞌcon yaꞌhuëtarin. Naꞌcon naꞌcon quëtantarahuë. Aꞌnaso nipirinhuëꞌ co natërincohuëꞌ niꞌquëhuarëꞌ, piꞌpian yaꞌhuëtërinso tërantaꞌ osërëtarahuë.

Lucas 19:26 ပူးပေါင်းရင်းမြစ်များ

2 Samuel 7:15

Napotaporahuëꞌ, inapitaso co aꞌpomiatarahuëꞌ. Saonosoꞌ tëhuërinso marëꞌ aꞌpomiatërahuë. Aꞌpomiatato, ina yaꞌhuërënamën quëma acoranquën. Inapitasoꞌ, co ina pochin nitarahuëꞌ.

Mateo 13:12

Insosona noya natanpachinaco, Yosëri catahuarin noya yonquicaiso marëꞌ. Naꞌcon naꞌcon nitotapi. Aꞌnapitaso nipirinhuëꞌ co yanatëhuachinacohuëꞌ, Yosëri tananpitarin niꞌton, yaꞌipiya naniantapi huachi.

Mateo 21:43

Napoaton itaranquëmaꞌ, Yosë yahuaꞌanëntopirinquëmahuëꞌ, co nohuantëramahuëꞌ niꞌton, aꞌpoarinquëmaꞌ. Nisha piyapiroꞌsaꞌ piyapinënpita pochin niꞌsarin. Inapitasoꞌ noya natëapi. [

Marcos 4:25

Noya natëhuatamaꞌ, naꞌcon naꞌcon nitotaramaꞌ. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ. Napoaton Yosëri tananpitarin. Inapotohuachina, piꞌpian tërantaꞌ nitotopisoꞌ, yaꞌipiya naniantapi,” itërin.

Lucas 16:3

Inpriatonënsoꞌ pipirahuaton, yonquirarin. ‘¿Maꞌcha onpoꞌi nicaya? Huaꞌanëhuë ocoiarinco. Co nanitërahuëꞌ chiníquën sacataꞌhuasoꞌ. Naporahuaton, tapanato, co nohuantërahuëꞌ coriqui topinan maꞌpataꞌhuasoꞌ.

Lucas 19:25

‘Coꞌta, inasoꞌ nani huaꞌhuayátërahuë coriqui yaꞌhuëtërin. ¿Naquëranchin quëtantaꞌi ti?’ itërin piyapinëni.

Lucas 8:18

Napoaton noya natancoꞌ. Noya natëhuatamaꞌ, naꞌcon naꞌcon nitotarama. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ niꞌton, piꞌpian tërantaꞌ nitotopisoꞌ Yosëri ananiantarin,” itërin.

Hechos 1:20

Yosë quiricanënquë ninoton, ninshitërin: ‘Ama insontaꞌ pëinënquë yaꞌhuëꞌinsohuëꞌ. Noꞌpanëontaꞌ, tanahuantërarin quëran pantachin,’ tënin. Ina quëran tantarin: ‘Ina yaꞌhuërënamën aꞌna acoantaquëꞌ,’ tënin antaꞌ Sarmo quiricaquë.

2 Juan 1:8

Niꞌcona nonpintochinënquëmaꞌ. Nani huaꞌqui Yosë imatomaꞌ, ina marëꞌ sacatopiramahuëꞌ. Inapita pochin cancantohuatamaꞌ, topinan quëran imapomaꞌ. Co Yosëꞌpaꞌ acanaarinquëmahuëꞌ. Nipirinhuëꞌ, yaꞌipi cancanëma quëran imapatamaꞌ, inatohuaꞌ Yosë noya noya nohuitatomaꞌ, yaꞌhuëmiataramaꞌ.

Apocalipsis 2:3

Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.

Apocalipsis 3:11

Co huaꞌquiya quëranhuëꞌ oꞌmantararahuë. Ama naniantatomacohuëꞌ, imamiatoco. Niꞌcona sopai minsëchinquëmaꞌ. Ina minsëhuachinquëmaꞌ, co inápaquë canaaramahuëꞌ.

1 Samuel 15:28

Naporoꞌ Samoirori itapon: —Aꞌmorahuëso osharanso pochin, Sinioronta ipora tahuëri huaꞌanëntëranso oshatatë pochin nitërinquën. Inapotatënquën, aꞌnara Israiro quëmapi ahuaꞌanëntarin. Quëmá quëran noya noya quëmapi inapotarin.

1 Samuel 2:30

Napoaton Sinioro israiroꞌsanpoa chinotërëhuaso naporin: ‘Nani yonquipirahuë piyapinëhuënquën nisápamasoꞌ. Quëmá quëran pipipisopitantaꞌ, inapoꞌina topirahuë. Iporaso nipirinhuëꞌ shaꞌhuitaranquën: Co onporo napocamaso yaꞌhuërinhuëꞌ. Noya niꞌninacosopita tëhuënchinsoꞌ, carinta noya niꞌsarahuë. Nocaninacopitaso nipirinhuëꞌ, atapamiatarahuëꞌ. Ca Sinioroco napotaranquëmaꞌ.