Lucas 18:35 - Chayahuita (Shahui)

³⁵ Ina quëran Quiricoquë yaꞌcaritohuachina, aꞌna quëmapi quënanconin. Ira yonsanquë huënsëarin. Somaraya niꞌton, nani tahuëri inaquë huënsëaton, coriqui topinan maꞌpatárin.

Lucas 18:35 ပူးပေါင်းရင်းမြစ်များ

Mateo 13:4

Tricoraya iminquë paꞌsarayarin papotacaso marëꞌ. Paꞌsarayahuachina, aꞌnaquën yaꞌpirin iraquë huarëꞌ paꞌsarayarin. Iraquë huarëꞌ anotërin niꞌton, inairaroꞌsari huëcapairahuatonaꞌ, pëꞌyaquipi huachi.

Lucas 18:36

Naꞌa piyapiꞌsaꞌ iratapi, natanaton: “¿Intaꞌ huëꞌsarin?” topachina,

Lucas 19:1

Quiricoquë canconahuaton, ninano huáncana paꞌsarin.

Juan 9:8

Yaꞌcariya yaꞌhuëpisopitari quënanahuatonaꞌ, paꞌyanpi. Nani huaꞌquiꞌ huënsëaton, coriqui maꞌpatërin. Somaraya niꞌton, topinan quëtopi. Napoaton naꞌa piyapiꞌsari nohuitopi. Inapitari quënanahuatonaꞌ, ninontopi. —¿Isona quëmapi iꞌhua coriqui maꞌpatërinsoꞌ ti? nitopi.

Hechos 3:2

Inaquë aꞌna quëmapi quënanconpi. Nasitërin quëran huarëꞌ co nanitërinhuëꞌ iratacasoꞌ. Nani tahuëri Yosë chinotopiso pëiquë quëpapi. Aꞌna yaꞌcoanaquë acopi, “Noyápiachin,” itopiquë. Inaquë acopi coriqui maꞌpatacaso marëꞌ. Piyapiꞌsaꞌ Yosë chinotopiso pëiquë yaꞌconpachinara, coriqui maꞌpatërin.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.