Lucas 18:2 - Chayahuita (Shahui)

² “Aꞌna ninanoquë aꞌna coisë yaꞌhuërin. Co mantaꞌ Yosë tëꞌhuatërinhuëꞌ. Piyapiꞌsantaꞌ co nosororinhuëꞌ.

Lucas 18:2 ပူးပေါင်းရင်းမြစ်များ

Isaías 33:8

Iraroꞌsa tanahuantápi. Co huachi paꞌtopihuëꞌ. Nicatahuacaiso marëꞌ anoyatopisopitantaꞌ, tapipi. Quënaninso noꞌtëquën shaꞌhuinaꞌpintaꞌ, nocanconpi. Itohuara capini maꞌsha nionpotopi.

Lucas 18:3

Ina ninanoquë chachin aꞌna quëyoron yaꞌhuëpirinhuëꞌ, inimiconëni naꞌcon ihuarin. Napoaton coisëquë paꞌnin. ‘Pasoꞌ quëmapi ihuarinco. Shaꞌhuitëquëꞌ quëtantaꞌinco. Anaꞌintëquëꞌ,’ itopirinhuëꞌ, co nohuantërinhuëꞌ catahuacasoꞌ. Nani tahuëri paantahuaton, inachachin inachachin itantarin.

Lucas 18:4

Huaꞌquiꞌ coisëri co natëpirinhuëꞌ, napoin quëran ami ami natanin. ‘Coꞌ mini Yosë tëꞌhuatërahuëꞌ. Piyapiꞌsantaꞌ co nosororahuë.

Lucas 20:13

Napoin quëran huaꞌanëni yonquirin. ‘¿Maꞌcha onpochiya? Naꞌayaꞌpi aꞌpapirahuëꞌ. Ahuërahuatonaꞌ, topinan aꞌpairachinpi. Huiꞌnahuë nosoropirahuëꞌ, ina huachi aꞌpaarahuë. Ina natëaponaꞌ nimara,’ taꞌton, huiꞌnin chachin aꞌpapirinhuëꞌ.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.