Lucas 18:13 - Chayahuita (Shahui)

¹³ Aꞌnaso nipirinhuëꞌ co yaꞌcaritërinhuëꞌ. Tapanaton, monshoárin. Oshanën marëꞌ sëtërin. ‘Tata Yosë, casoꞌ oshahuanco. Nosoroatonco, oshanëhuë inquitoco,’ itërin.

Lucas 18:13 ပူးပေါင်းရင်းမြစ်များ

Copo naporinso' 42:6

Napoaton co noya yonquiatohuëꞌ nonahuëso marëꞌ tapanahuë. Amocan, huarianoꞌ, inaquëpita huënsëato nonahuëso marëꞌ sëtërahuë. Ama huachi ina yonquiquësohuëꞌ, tënahuë,” itërin.

Salmos 130:7

Yaꞌipi israiroꞌsanpoa Sinioro ninahuaꞌ. Inasoꞌ nosororinpoa niꞌton, noyá nichaꞌësarinpoaꞌ.

Salmos 40:12

Naꞌcon maꞌsha onporahuë. Co tiquinahuanhuë niꞌton, co shaꞌhuichináchinhuëꞌ. Co noyahuëꞌ ninahuëso marëꞌ parisitárahuë. Yaꞌpirahuë quëraontaꞌ, co huachi noya quënantërahuëꞌ. Motohuëquë naꞌcon ain yaꞌhuërin. Ina quëran naꞌcon naꞌcon maꞌsha onporahuë. Naporahuaton co huachi chiníquën cancantërahuëꞌ.

Éxodo 33:10

Israiroꞌsasoꞌ, chitoro yaꞌcoanaquë chinirinso niꞌpi. Ina niꞌpachinara, aꞌnaya aꞌnaya yaꞌcoananënaquë isonahuatona Yosë chinotopi.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Daniel 9:5

Tëhuënchachin quiyasoꞌ co noyahuëꞌ nicatoi oshahuanai. Co costaransohuëꞌ ninai. Co quëma yaꞌhuëransohuë pochin cancantatoi yaꞌhuërai. Camaitëransopita, shaꞌhuiransopita, inapita aꞌporai.

Mateo 10:3

Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Mateo 6:5

Ina quëran itaantarin: “Yosë nontohuatamaꞌ, ama nonpinaꞌpiroꞌsa pochin nicosohuëꞌ. Inapitasoꞌ niyontonpiso pëiquë huanirahuatonaꞌ, naꞌcon Yosë nontopirinahuëꞌ, co cancanëna quëran huarëꞌ nontopihuëꞌ. Cachiquëntaꞌ aꞌninquëchin Yosë nontopirinahuëꞌ, piyapiꞌsari noya nicacaiso marëꞌ napopi. Co tëhuënchachin Yosë yonquipihuëꞌ. Piyapiꞌsari noya niꞌpirinahuëꞌ, Yosërisoꞌ co acanaarinhuëꞌ.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Marcos 11:25

Noya cancantatomaꞌ, Yosë nontocoꞌ. Aꞌna piyapi maꞌsona tërantaꞌ onpotohuachinquëmaꞌ, canpitarintaꞌ piꞌpian tërantaꞌ noꞌhuihuatamaꞌ, ina naniantocoꞌ. Yaꞌipi cancanëma quëran huarëꞌ nanan anoyatocoꞌ Tata Yosë oshanëmaꞌ inquichinquëmaꞌ. [

Lucas 17:12

Inaquë paaton, aꞌna ninanoquë canconin. Canconpachina, shonca quëmapiꞌsaꞌ chana caniori maninsopita quënanconin. Inapitasoꞌ aquëmiáchin huanirahuatonaꞌ,

Lucas 22:41

Ina quëran amashamiachin paꞌsahuaton, isonin quëran, inaora Yosë nontërin:

Lucas 23:48

Naꞌa piyapiꞌsaꞌ Quisoso chimininsoꞌ niꞌsapi. Nani chiminpachina, paꞌyanpi. Chiníquën sëtatonaꞌ, yanquëëpi.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Romanos 5:8

Quisocristoso nipirinhuëꞌ oshahuanoꞌsa marëꞌ chiminin. Oshahuanpirëhuahuëꞌ, yaꞌhuërëtërinpoaꞌ. Yosë nohuanton, canpoa marëꞌ chiminin. Napoaton: “Ma noyacha Yosë nosororinpoa paya,” tënëhuaꞌ.

2 Corintios 7:11

Canpitasoꞌ sëtatomaꞌ, naꞌcon naꞌcon Yosë yonquiramaꞌ. Ina quëran “Tëhuënchachin co noyahuëꞌ nicatëhuaꞌ, oshahuanëhuaꞌ. Co noyahuëꞌ ninëhuasopita naniantahuaꞌ, Yosë anaꞌintohuachinpoaꞌ,” tënamaꞌ. Cantaꞌ noya yonquiramaco. “Manóton Paono huëꞌin catahuainpoaso marëꞌ. Chiníquën cancantatëhuaꞌ, noꞌtëquën natëahuaꞌ,” tënamaꞌ. Oshahuanaꞌpi co noyahuëꞌ nininso marëꞌ anaꞌintëramaꞌ noya nicacaso marëꞌ. Yaꞌipi co noyahuëꞌ yonquiramasopita naniantatomaꞌ, noya cancantaantaramaꞌ.

1 Timoteo 1:15

Noꞌtëquën shaꞌhuitaranquëmaꞌ. Yaꞌipi piyapiꞌsaꞌ natëinaꞌ. Quisocristo isoroꞌpaquë oꞌmarin oshahuanoꞌsaꞌ anoyacancantacaso marëꞌ. Casoꞌ naꞌcon naꞌcon oshahuanpirahuëꞌ, anoyacancantërinco.

Hebreos 4:16

“Tëhuënchachin nosoroatonpoaꞌ, catahuarinpoaꞌ,” taꞌtëhuaꞌ, apira apira Yosë nontahuaꞌ. Nontohuatëhuaꞌ, oshanënpoaꞌ inquitarinpoaꞌ. Maꞌsha onpohuatëhuaꞌ, ina nontohuatëhuaꞌ, inaora nohuanton, catahuarinpoaꞌ noya ahuantacaso marëꞌ.

Hebreos 8:12

Naꞌcon nosoroato, yaꞌipi co noyahuëꞌ yonquipisopita inquitarahuë. Co huachi oshanënaꞌ yonquiarahuë,” tënin Yosë.