Lucas 18:10 - Chayahuita (Shahui)

¹⁰ “Catoꞌ quëmapi Yosë chinotopiso pëiquë Yosë nontacaso marëꞌ paꞌpi. Aꞌnasoꞌ parisio. Aꞌnantaꞌ coriqui copirno marëꞌ maꞌpatërinsoꞌ.

Lucas 18:10 ပူးပေါင်းရင်းမြစ်များ

1 Reyes 10:5

Misanënquë naꞌa noya cosharo capacaiso marëꞌ acopisoꞌ, huaꞌanoꞌsa yaꞌhuëcaiso marëꞌ noyápiachin patoanaroꞌsa acotërinsoꞌ, piyapinënpita, oꞌshinaꞌpi huaꞌanoꞌsanënpita, onpo sacatopisoꞌ, onpo aꞌmoanpisoꞌ, corto huaꞌanoꞌsanta Sinioro marëꞌ noya maꞌsharoꞌsa tëparahuatona yaꞌipi ahuiquitopisoꞌ, yaꞌipi inapita niꞌnin. Yaꞌipi inapita niꞌsahuaton, paꞌpi paꞌyantërin.

1 Reyes 8:30

Quëmaso inápaquë yaꞌhuëran. Nipirinhuëꞌ Insëran tëranta iso pëi notërahuatoi nontohuatëinquën, noya natancoi. Inapoaton catahuacoi. Oshahuanpatointa nontarainquën. Nontohuatëinquën, oshanëhuëi inquitatoncoi nanan anoyatocoi.

Mateo 10:3

Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Lucas 19:46

—Yosë quiricanën quëran tapon: “Ca nohuanto, pëinëhuë yaꞌhuëꞌin piyapiꞌsaꞌ nontiinacoso marëꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin nitëramaꞌ, itërin Quisosori. Itahuaton, aꞌparin.

Hechos 26:5

Casoꞌ Parisioco. Quiyasoꞌ cotioroꞌsaꞌ imapisoꞌ, noꞌtë noꞌtëquën natërai. Yaꞌipi cotioroꞌsaꞌ nitotopi. Nohuantopi naporini, inachachin shaꞌhuichitënënquënhuëꞌ.

Hechos 3:1

Aꞌna tahuëri piꞌi tëhuërënahuasoꞌ, Pitro paꞌsarin Yosë chinotopiso pëiquë. Naporoꞌ ora niyontonatonaꞌ, Yosë nontopi. Coansharëꞌ paꞌsapirinhuëꞌ.

Filipenses 3:5

Casoꞌ Israiro piyapico. Mincamin huënton quëmapico. Posa tahuëritahuasoꞌ, marca acotërinaco. Tatahuë, mamahuë Israiro piyapiráchin. Co nishahuëꞌ. Israiro huaꞌan yaꞌconahuë, parisioroꞌsaꞌ itopisoꞌ. Yaꞌconato, yaꞌipi Moisësë pënëntërinsoꞌ imarahuë.