Lucas 17:4 - Chayahuita (Shahui)

⁴ Aꞌna tahuërimarëáchin canchisëroꞌ napotopirinquëmahuëꞌ, canchisëro chachin: ‘Co noyahuëꞌ ninahuë niꞌton, sëtërahuë,’ itohuachinquëmaꞌ, nanan anoyataantacoꞌ. Co onporontaꞌ noꞌhuicasoꞌ yaꞌhuërinhuëꞌ,” tënin.

Lucas 17:4 ပူးပေါင်းရင်းမြစ်များ

Mateo 18:16

Nipirinhuëꞌ, co yanatëhuachinquënhuëꞌ, aꞌna yaꞌpihuë nipon, catohuë nipon pënënanso natanacaiso marëꞌ quëparahuaton, nontoantaquëꞌ. Iyaroꞌsaꞌ quëparansopitantaꞌ noya natainaꞌ ama piꞌpian tërantaꞌ nonpinacaso marëhuëꞌ. Inapitarintaꞌ pënëinaꞌ.

Mateo 18:35

Ina quëran itaantapon: —Inapochachin Tata Yosë naꞌcon nosoroatënquëmaꞌ, yaꞌipi oshanëmaꞌ yainquitopirinquëmahuëꞌ, co canpita capini nanan anoyatohuatamahuëꞌ, co oshanëmaꞌ inquitarinquëmahuëꞌ. Chiníquën parisitaramaꞌ. Yaꞌipi cancanëma quëran huarëꞌ nanan anoyatacasoꞌ yaꞌhuërin, itërin Quisosori.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Mateo 6:12

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Lucas 17:5

Ina quëran caꞌtanoꞌsanënpitari itopi: —Catahuacoi Sinioro, Yosë noya noya natëꞌi, itopi.

Romanos 12:20

Napoaton “Inimiconëmaꞌ tanahuachin, aꞌcacoꞌ. Yamorohuachin, oꞌshitocoꞌ. Inapotohuatamaꞌ, inimiconëmaꞌ atapanaramaꞌ,” tënin antaꞌ.