Lucas 17:10 - Chayahuita (Shahui)

¹⁰ Canpitantaꞌ iyaroꞌsaꞌ, Yosë shaꞌhuitohuachinquëmaꞌ, natëcoꞌ. Nani natëhuatamaꞌ: ‘Topinan piyapinënpoaꞌ niꞌtëhuaꞌ, natërëhuaꞌ,’ nitocoꞌ. Yaꞌipiya natëcamasoꞌ yaꞌhuërin,” itërin Quisosori.

Lucas 17:10 ပူးပေါင်းရင်းမြစ်များ

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Isaías 64:6

Yaꞌipicoi quiyasoꞌ, amirotochináchin quëmapi pochin ninai. Yaꞌipi noya ninaisopitantaꞌ, amiro nëꞌmëtë pochin niconin. Naramë ahuiton shitatërinso pochin ninai. Paꞌpi co noyahuëꞌ ninaisoꞌ naꞌintërincoi niꞌton, ihuan maꞌsha quiquirinso pochin nitërincoi.

Mateo 25:30

Naporahuaton co noyahuëꞌ niꞌton, aipiran tashinantërinquë tëꞌyatocoꞌ. Inatohua co napion ancantaton naꞌnërápon,’ tënin,” itërin Quisosori.

Lucas 17:11

Ina quëran Cariria parti naꞌhuëtahuaton, Quirosarinquë paꞌsarin. Samaria yonsan yaꞌcariya paꞌnin.

Lucas 17:9

Piyapinën camairin niꞌton, natërin. ‘Ma noyanquën niꞌton, natëranco. Ina marëꞌ “Yosparinquën,” ’ co itërinhuëꞌ.

Romanos 11:35

¿Incaritaꞌ maꞌsha Yosë quëtërin niꞌton, iꞌhuërëtacasoꞌ yaꞌhuërin? Co incari tërantaꞌ,” tënin quiricanënquë.

Romanos 3:12

Co Yosë iranën paꞌtopihuëꞌ, pëshonpi. Co aꞌnaya tërantaꞌ noya nininhuëꞌ.

Filemón 1:11

Iráca Onisimo paꞌanan asacatacaso marëꞌ. Huaꞌanëntopiranhuëꞌ, co noya catahuarinquënhuëꞌ. Taꞌananpirinquën. Iporaso nipirinhuëꞌ Quisocristo imaton, noya catahuarinco. Quëmantaꞌ noya catahuaarinquën huachi, tënahuë.