Lucas 16:9 - Chayahuita (Shahui)

⁹ Coriqui yaꞌhuëtohuachinquëmaꞌ, ama canpitaoráchin iꞌquicosohuëꞌ. Aꞌnapita pahuantohuachinaꞌ, quëtocoꞌ. Inapohuatamaꞌ, Yosëꞌpaꞌ noya niꞌsarinquëmaꞌ. Chiminpatamaꞌ, Yosë inápaquë quëpantarinquëmaꞌ. Coriquinëmaꞌ patopiramahuëꞌ, inatohuaꞌ noya noya yaꞌhuëcontaramaꞌ.

Lucas 16:9 ပူးပေါင်းရင်းမြစ်များ

Salmos 73:26

Aꞌna tahuëri Sinioro parisitërahuë. Naꞌcon parisitopirahuëꞌ, quëmasoꞌ huaꞌanëntomiatëranco. Achinicancananco niꞌton, imamiataranquën.

Proverbios 23:5

Intana noya yonquiriquëꞌ. Maꞌshasoꞌ, co yaꞌhuëtomiatopihuëꞌ. Inasoꞌ, onian yanponaton paꞌninso pochin nisarin. Anpiantëhuanaton paꞌninso pochin pataantarinpoaꞌ.

Eclesiastés 11:1

Naꞌa cosharo yaꞌhuëtohuachinquën, paꞌanacaso marëꞌ marë quëpatëquëꞌ. Napohuatan co huaꞌquiya quëranhuëꞌ naꞌcon naꞌcon canaaran.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Mateo 19:21

—Yosë pochachin cancantamasoꞌ nohuantohuatan, yaꞌipi maꞌshanënpita paꞌanconahuaton, coriqui canaransoꞌ saꞌahuaroꞌsaꞌ quëtëquëꞌ. Ina quëran imaco huachi. Co huachi maꞌsharáchin yonquihuatanhuëꞌ, inápaquë canamiataran, itërin Quisosori.

Mateo 6:19

Ina quëran itaantarin: “Ama iyaroꞌsaꞌ maꞌsharáchin yonquicosohuëꞌ. Ama naꞌcon coriqui, maꞌsha, inapita yontoncosohuëꞌ. Isoroꞌpaquë yaꞌipi maꞌsha aꞌnaroáchin mocarin, chanatërin. Noꞌsoni pëꞌyarin. Chiꞌchirotërin. Ihuatëroꞌsaꞌ yaꞌconatonaꞌ, ihuarinënpoaꞌ. Naporin. Napoaton, isoroꞌpaquë yaꞌhuërinsopita co yaꞌhuëmiatërinhuëꞌ.

Mateo 6:24

Ina quëran itaantarin: “Aꞌna piyapi catoꞌ patron yaꞌhuëtohuachina, nisha nisha camaitopi niꞌton, co nanitërinhuëꞌ cato chachin natëcasoꞌ. Aꞌnasoꞌ nohuantaton, noya natëarin. Aꞌnaso nipirinhuëꞌ co onpopinchin nohuantatonhuëꞌ, co natëarinhuëꞌ. Inapochachin canpitantaꞌ coriquiráchin cancantohuatamaꞌ, co nanitaramahuëꞌ Yosë natëcamasoꞌ,” tënin.

Lucas 11:41

Cancanëma quëran huarëꞌ saꞌahuaroꞌsaꞌ catahuacoꞌ. Nosorohuatamaꞌ, noyápiachin cancantaramaꞌ.

Lucas 12:33

Ama naꞌcon maꞌsha yontoncosohuëꞌ. Maꞌsha yaꞌhuëtohuachinquëmaꞌ, paꞌanahuatomaꞌ, saꞌahuaroꞌsaꞌ quëtocoꞌ. Inapotohuatamaꞌ, Yosë acanaarinquëmaꞌ. Isoroꞌpaquë maꞌsha aꞌnaroáchin mocarin. Ihuarinënpoaꞌ. Maꞌshari aꞌquirin. Inapaquëso nipirinhuëꞌ Yosë acanahuachinpoaꞌ, yaꞌhuëtomiatarinpoaꞌ.

Lucas 14:14

Ina quëran noya cancantaran. Inapitasoꞌ co nanitopihuëꞌ amatantaꞌinënquënsoꞌ. Co iꞌhuërëtopirinënquënhuëꞌ, Yosësoꞌ iꞌhuërëtarinquën. Noya ninan niꞌton, ayaroꞌ tahuëri ananpitaantahuachinquën, acanaarinquën huachi, itërin.

Lucas 16:11

Yaꞌipi coriquinëmaꞌ canpitaora marëꞌ iꞌquihuatamaꞌ, co insontaꞌ inápaquë acanarinquëmahuëꞌ.

Lucas 16:13

Catoꞌ patron camaihuachinquëmaꞌ, co nanitëramahuëꞌ cato chachin natëcamasoꞌ. Aꞌnasoꞌ nohuantatomaꞌ, noya natëaramaꞌ. Aꞌnaso nipirinhuëꞌ co onpopinchin nohuantatomahuëꞌ co natëaramahuëꞌ. Inapochachin canacamasoáchin yonquihuatamaꞌ, co nanitaramahuëꞌ Yosë natëcamasoꞌ. Coriquiráchin cancantohuatamaꞌ, co Yosë natëaramahuëꞌ,” itërin Quisosori.

Lucas 16:4

Naꞌa quëmapiꞌsaꞌ huaꞌanëhuë nihuipi. Iporasoꞌ inapita catahuarahuë. Ina quëran huaꞌanëhuë ocoihuachinco, inahuantaꞌ catahuarinaco nanpicaꞌhuaso marëꞌ,’ tënin yonquiaton.

Hechos 10:31

Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.

Judas 1:21

Inapotatomaꞌ, nani tahuëri nóya cancantocoꞌ Yosë nosoroꞌinquëmaꞌ. Ina naꞌcon nohuantocoꞌ. Quisocristo yonquiatomaꞌ, oꞌmantacasoꞌ tahuëri ninacoꞌ. Oꞌmantahuachin, nosoroatonpoaꞌ, chimirin quëran nichaꞌësarinpoaꞌ. Yosëꞌpaꞌ nanpimiatarihuaꞌ.