Lucas 16:7 - Chayahuita (Shahui)

⁷ Ina quëran aꞌnantaꞌ huëꞌnin. Huëꞌpachina, ‘¿Onpotaꞌ quëmantaꞌ nihuitëran?’ itërin. ‘Trico maꞌparahuë niꞌton, pasa costaro marëꞌ nihuirahuë,’ tënin. ‘Inta nipachin, Posa shoncaíchin ninshitantaquëꞌ,’ itërin. Inapotëraꞌpiaton, naꞌa amiconënpita catahuarin ama naꞌcon pahuërëtacaiso marëhuëꞌ.

Lucas 16:7 ပူးပေါင်းရင်းမြစ်များ

Mateo 18:28

Nihuitonaꞌpiso nipirinhuëꞌ pipirahuaton, aꞌna iin piꞌpian nihuirinsoꞌ quënanconin. Pasa tahuëri sacatohuachina canarinsoichin nihuipirinhuëꞌ, maconorahuaton, chiníquën noꞌhuirin. ‘Yaꞌipi nihuirancosoꞌ apiramiáchin pahuërëco huachi,’ itërin.

Lucas 16:6

‘Pasa rata tomaꞌ maꞌparahuë niꞌton, ina nápoꞌ nihuirahuë,’ itohuachina, ‘Inta nipachin, nihuitëranso quirica masahuaton, aꞌnatërápo shoncaíchin ninshitantaquëꞌ,’ itërin.

Lucas 16:8

Huaꞌani natantahuaton, amataantarin. ‘Naquëranchin nonpintantaranco. Nipirinhuëꞌ, “ma noyacha yonquiran paya,” tënahuë,’ itërin huaꞌanëni. Niꞌcoꞌ iyaroꞌsaꞌ. Naꞌa piyapiꞌsaꞌ co noyahuëꞌ nipisopita noya yonquipi inaora canacaiso marëꞌ. Aꞌnaquëmaso nipirinhuëꞌ, imapiramacohuëꞌ, co onpopinchin yonquiramahuëꞌ noya nicacamaso marëꞌ.

Lucas 2:37

soꞌini ayananpirin niꞌton, nani huaꞌquiꞌ quëyoronin. Nani posa shonca catapini piꞌipitërin. Yosë chinotopiso pëiquë yaꞌhuëmiatërin. Tahuërirë chachin, tashirë chachin Yosë chinotërin. Apira apira Yosë yonquirin. Co cosharoꞌ yonquiatonhuëꞌ, Yosë nontárin.

Lucas 20:12

Aꞌnantaꞌ aꞌpantapirinhuëꞌ. Pëꞌsharahuatonaꞌ, aꞌpapi inantaꞌ.

Lucas 20:9

Ina quëran piyapiꞌsaꞌ aꞌchintacaso marëꞌ, iso pënënto nanan shaꞌhuitaantarin: “Aꞌna quëmapi pancana iminin. Inaquë opasáchin shaꞌnin. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ, nitërinsoꞌ patomachin macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin. Huaꞌquiꞌ inaquë yaꞌhuërin.