Lucas 16:6 - Chayahuita (Shahui)

⁶ ‘Pasa rata tomaꞌ maꞌparahuë niꞌton, ina nápoꞌ nihuirahuë,’ itohuachina, ‘Inta nipachin, nihuitëranso quirica masahuaton, aꞌnatërápo shoncaíchin ninshitantaquëꞌ,’ itërin.

Lucas 16:6 ပူးပေါင်းရင်းမြစ်များ

Mateo 20:8

Nani tashihuachina, huaꞌanëni inpriatonën shaꞌhuitërin: ‘Yaꞌipi sacatoroꞌsaꞌ amatahuaton, pahuërëquëꞌ. Iꞌhuaraya huarëꞌ sacatërinsopitaꞌton pahuërëquëꞌ,’ itërin.

Lucas 16:12

Iporasoꞌ Yosë nohuanton, maꞌsha, coriqui, inapita yaꞌhuëtarinquëmaꞌ. Aꞌnaninquëmaso pochin quëtërinquëmaꞌ. Topinan quëran iꞌquihuatamaꞌ, co mantaꞌ Yosëꞌpaꞌ canamiataramahuëꞌ.

Lucas 16:5

Naporahuaton, coꞌhuara huaꞌani ocoiyatërasohuëꞌ, nihuitopisopita amatërin. Aꞌnaya aꞌnaya huëꞌpi. Aꞌnasoꞌ huëꞌpachina, natanin. ‘¿Onpotaꞌ huaꞌan nihuiran?’ itërin.

Lucas 16:7

Ina quëran aꞌnantaꞌ huëꞌnin. Huëꞌpachina, ‘¿Onpotaꞌ quëmantaꞌ nihuitëran?’ itërin. ‘Trico maꞌparahuë niꞌton, pasa costaro marëꞌ nihuirahuë,’ tënin. ‘Inta nipachin, Posa shoncaíchin ninshitantaquëꞌ,’ itërin. Inapotëraꞌpiaton, naꞌa amiconënpita catahuarin ama naꞌcon pahuërëtacaiso marëhuëꞌ.

Lucas 16:9

Coriqui yaꞌhuëtohuachinquëmaꞌ, ama canpitaoráchin iꞌquicosohuëꞌ. Aꞌnapita pahuantohuachinaꞌ, quëtocoꞌ. Inapohuatamaꞌ, Yosëꞌpaꞌ noya niꞌsarinquëmaꞌ. Chiminpatamaꞌ, Yosë inápaquë quëpantarinquëmaꞌ. Coriquinëmaꞌ patopiramahuëꞌ, inatohuaꞌ noya noya yaꞌhuëcontaramaꞌ.

Juan 2:6

Inaquë saota panca orinan yaꞌhuërin, naꞌpi quëran nipisoꞌ. Aꞌna orinanquëáchin catapini rata pochin yaꞌconin. Moisësë pënëntërinsoꞌ natëtonaꞌ oshanëna inquicaiso marëꞌ acopisoꞌ.

Tito 2:10

Ama ihuachinasohuëꞌ. Noꞌtëquën natëtonaꞌ, ama piꞌpian tërantaꞌ nonpiinasohuëꞌ. Noya nipachinaꞌ, aꞌnapitarintaꞌ noya niꞌsapi. “Tata Yosë imatonaꞌ, noya nipi. Ma noyacha Yosë nanamënso paya,” taponaꞌ. Inasoꞌ tëhuënchachin nichaꞌësarinpoaꞌ.