Lucas 16:3 - Chayahuita (Shahui)

³ Inpriatonënsoꞌ pipirahuaton, yonquirarin. ‘¿Maꞌcha onpoꞌi nicaya? Huaꞌanëhuë ocoiarinco. Co nanitërahuëꞌ chiníquën sacataꞌhuasoꞌ. Naporahuaton, tapanato, co nohuantërahuëꞌ coriqui topinan maꞌpataꞌhuasoꞌ.

Lucas 16:3 ပူးပေါင်းရင်းမြစ်များ

Proverbios 13:4

Chirotëso maꞌsha nohuantopirinhuëꞌ, co sacatërinhuëꞌ niꞌton, co yaꞌhuëtërinhuëꞌ. Sacaton nipachinasoꞌ, noya yaꞌhuëaponaꞌ.

Proverbios 20:4

Shaꞌto tahuëri nipirinhuëꞌ, chirotëso co shaꞌtërinhuëꞌ. Macacaso tahuëriꞌsa huarëꞌ yonípirinhuëꞌ, co quëtaponahuëꞌ.

Mateo 20:8

Nani tashihuachina, huaꞌanëni inpriatonën shaꞌhuitërin: ‘Yaꞌipi sacatoroꞌsaꞌ amatahuaton, pahuërëquëꞌ. Iꞌhuaraya huarëꞌ sacatërinsopitaꞌton pahuërëquëꞌ,’ itërin.

Marcos 10:46

Ina quëran paantarahuatonaꞌ, Quiricoquë canconpi. Caꞌtanoꞌsanënpitarë chachin pipihuachinara, naꞌa piyapiꞌsarintaꞌ imasapi. Naporoꞌ aꞌna somaraya ira yonsanquë huënsëarin quënanconpi. Timio huiꞌnin niꞌton, Partimio itopi. Somaraya niꞌton, nani tahuëri coriqui topinan maꞌpatárin.

Lucas 12:17

Napoaton yaꞌipi pëinënpita yaꞌsotërin huachi. ‘¿Insëquëcha maꞌsha acoꞌiya?’ taꞌton, yonquiárin.

Lucas 16:2

Maꞌhuansoꞌ natantahuaton, amatërin. ‘Quëmasoꞌ nonpintaranco natantërahuë. Coriqui quëtëranquënsoꞌ quëmaora marëꞌ manan niꞌquëhuarëꞌ, ocoiaranquën. Yaꞌipi nihuirinacosoꞌ ninshitoco nitochi,’ itërin.

Lucas 16:20

Aꞌna quëmapintaꞌ inaquë yaꞌhuërin, saꞌahua nininsoꞌ. Nasaro itopi. Apia niꞌton, co nanitërinhuëꞌ sacatacasoꞌ. Maꞌsha topinan maꞌpataton, nanpirin. Maꞌhuan pëinën aipiran acopi. Yaꞌcoanaquë huënsëarin. Tanaton, maꞌhuan pëꞌsotërinso tërantaꞌ nayapirinhuëꞌ, co mantaꞌ quëtopihuëꞌ. Taꞌtaráchin niconin niꞌton, niꞌniraroꞌsari huëcatonaꞌ, irotiipi.

Lucas 16:22

Napoin quëran Nasaro chiminin huachi. Chiminpachina, Yosëꞌpaꞌ anquëniroꞌsari quëparin. Apraan pantarinquë chachin pantarin. Ina quëran maꞌhuaontaꞌ chimininpachina, paꞌpitopi.

Lucas 16:4

Naꞌa quëmapiꞌsaꞌ huaꞌanëhuë nihuipi. Iporasoꞌ inapita catahuarahuë. Ina quëran huaꞌanëhuë ocoihuachinco, inahuantaꞌ catahuarinaco nanpicaꞌhuaso marëꞌ,’ tënin yonquiaton.

Lucas 18:4

Huaꞌquiꞌ coisëri co natëpirinhuëꞌ, napoin quëran ami ami natanin. ‘Coꞌ mini Yosë tëꞌhuatërahuëꞌ. Piyapiꞌsantaꞌ co nosororahuë.

Juan 9:8

Yaꞌcariya yaꞌhuëpisopitari quënanahuatonaꞌ, paꞌyanpi. Nani huaꞌquiꞌ huënsëaton, coriqui maꞌpatërin. Somaraya niꞌton, topinan quëtopi. Napoaton naꞌa piyapiꞌsari nohuitopi. Inapitari quënanahuatonaꞌ, ninontopi. —¿Isona quëmapi iꞌhua coriqui maꞌpatërinsoꞌ ti? nitopi.

Hechos 3:2

Inaquë aꞌna quëmapi quënanconpi. Nasitërin quëran huarëꞌ co nanitërinhuëꞌ iratacasoꞌ. Nani tahuëri Yosë chinotopiso pëiquë quëpapi. Aꞌna yaꞌcoanaquë acopi, “Noyápiachin,” itopiquë. Inaquë acopi coriqui maꞌpatacaso marëꞌ. Piyapiꞌsaꞌ Yosë chinotopiso pëiquë yaꞌconpachinara, coriqui maꞌpatërin.

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

2 Tesalonicenses 3:11

Nanan nani natantërahuë. Aꞌnaquëmaꞌ co yasacatatomahuëꞌ, topinan paꞌsáramaꞌ. Naporahuaton, maꞌtoma maꞌtoma nonatomaꞌ, piyapiꞌsaꞌ chinotëramaꞌ, natantërahuë.