Lucas 15:31 - Chayahuita (Shahui)

³¹ Napotohuachina, paꞌpini itërin: ‘Nosororanquën mini conpa. Quëmasoꞌ co yaꞌhuincaranhuëꞌ. Yaꞌipi maꞌshanëhuëpita quëchinquën. Yaꞌipiya quëmaquën nisarin.

Lucas 15:31 ပူးပေါင်းရင်းမြစ်များ

Lucas 15:30

Iso huiꞌnanso nipirinhuëꞌ, aquë paaton noꞌpiárin. Monshihuanárin. Coriquinën quëtopiranhuëꞌ, yaꞌipi iꞌquirin. Ina quëran huënantahuachina, quëmari nosoroaton, paꞌyatëran. Toroaꞌhua amoshin nininsoꞌ atëpatëran coshatacaiso marëꞌ,’ itërin.

Lucas 15:32

Iyaꞌhuaso nipirinhuëꞌ, nani huënantarin. Chimininso pochin niponahuëꞌ, yaꞌnoantarin. Ayatërëso pochin nitopirëhuahuëꞌ, niantarëhuaꞌ. Ina marëꞌ noya cancantacasoꞌ yaꞌhuërin,’ itërin paꞌpini,” tënin Quisoso.

Juan 8:35

Niꞌcoꞌ. Patron yaꞌhuërinquë piyapinën co yaꞌhuëmiatërinhuëꞌ. Patronëni nohuantohuachina, ocoiantarin. Huiꞌninso nipirinhuëꞌ yaꞌhuëmiatarin.

Romanos 11:1

Napoaton natananquëmaꞌ: ¿Israiroꞌsaꞌ co natëtopiso marëhuëꞌ Yosëri aꞌpomiatërin ti? Co aꞌporinhuëꞌ. Ipora huantaꞌ piyapinënpita niꞌton, nosororin. Cantaꞌ Israiro piyapico. Tata Apraansoꞌ shimashonëhuë. Mincamin huëntonquë nasitërahuë.

Romanos 11:35

¿Incaritaꞌ maꞌsha Yosë quëtërin niꞌton, iꞌhuërëtacasoꞌ yaꞌhuërin? Co incari tërantaꞌ,” tënin quiricanënquë.

Romanos 9:4

Piyapinënpita nicacaiso marëꞌ Yosëri acorin. Israiro shinpita nipi. Iráca quëran huarëꞌ Yosëri nohuantërin niꞌton, huiꞌninpita pochin nicacaiso marëꞌ acorin. Huënaráchin huënaráchin aꞌpintohuachina, shimashonënpitari quënanpi. Iráca chachin piyapinënpita nicacaiso marëꞌ inapitarëꞌ anoyatërin. Naporahuaton, pënëntërinso nanan shaꞌhuitërin. Noya chinotacaiso marëntaꞌ aꞌchintërin. Naꞌcon shaꞌhuitërin nichaꞌëcaso marëꞌ.