Lucas 15:3 - Chayahuita (Shahui)

³ Ina natanahuaton, Quisosori iso pënënto nanan shaꞌhuitërin ayonquicaiso marëꞌ:

Lucas 15:3 ပူးပေါင်းရင်းမြစ်များ

Isaías 53:6

Yaꞌipinpoa ohuicaroꞌsa chihuëpiso pochin ninëhuaꞌ. Canpoara yonquirëhuaso imatëhua naporëhuaꞌ. Napopirëhuahuëꞌ, Siniorori co noyahuëꞌ ninëhuaso marëꞌ inasá aparisitarin.

Isaías 65:19

Ina ninano yonquiato capa cancantarahuë. Piyapinëhuëpitanta yonquiato, capa cancantarahuë. Inaquësoꞌ, co huachi onporonta naꞌnëponahuëꞌ. Co huachi napion ancantatonaꞌ, nontaponacohuëꞌ.

Mateo 10:6

Israiroꞌsaꞌ aꞌchintoncoꞌ. Inapitasoꞌ, ohuicaroꞌsaꞌ chihuëpiso pochin niꞌtonaꞌ, co Yosë yonquipihuëꞌ. Napoaton pënënacasoꞌ yaꞌhuërin.

Mateo 13:3

Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Lucas 15:2

Ina niꞌsahuatonaꞌ, parisioroꞌsaꞌ, cotio maistroꞌsaꞌ, inapitari noꞌhuipi. —¿Onpoatontaꞌ Quisoso oshahuanoꞌsaꞌ paꞌyatërin? Inapitarëꞌ coshatarin, co napocasohuëꞌ nipirinhuëꞌ, toconpi.

Lucas 15:4

“Aꞌna quëmapi pasa ohuicaroꞌsaꞌ pëꞌtahuaton, yaꞌipiya nosororin. Aꞌnaya tërantaꞌ chihuëhuachina, yonípon paꞌsarin. Aꞌnapitasoꞌ pastoquëranchin patahuaton, huaꞌquiꞌ yonisarin. Quënanaquë huarëꞌ yonisárin.

Juan 21:16

Ina quëran itaantarin: —¿Nosoromiatëranco ti? itërin. —Nosororanquën mini, Sinioro, ina nitotëran, itantarin. —Imarinacosopitasoꞌ, ohuicaroꞌsa pochin nipi niꞌton, aꞌpaiquëꞌ noya imamiachinaco, itërin.

Hechos 21:20

Natanahuatonaꞌ, “Ma noyacha Yosësoꞌ niꞌton, nisha piyapiꞌsantaꞌ imasapi paya,” topi aꞌnaya aꞌnaya. Ina quëran itantapi: —Noya iyasha nipirinhuëꞌ, isëquë naꞌa huaranca cotioroꞌsaꞌ Quisoso imaponaraihuëꞌ, Moisësë iráca pënëntërinsoꞌ yanatëpi antaꞌ. “Inantaꞌ natëcasoꞌ yaꞌhuërin,” topi.