Lucas 15:21 - Chayahuita (Shahui)

²¹ ‘Co noyahuëꞌ ninahuë, tata. Nonpintëranquën. Co Yosë natëtohuëꞌ, oshahuanahuë. Co noyahuëꞌ ninahuëso marëꞌ co huachi huiꞌnan pochin cancantancosoꞌ yaꞌhuërinhuëꞌ,’ itërin paꞌpin.

Lucas 15:21 ပူးပေါင်းရင်းမြစ်များ

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Lucas 15:22

Napotopirinhuëꞌ, paꞌpinisoꞌ naꞌcon nosororin. Piyapinënpita camairin. ‘Manóton paatomaꞌ, noyápiachin nininsoꞌ maconahuatomaꞌ, aꞌmotocoꞌ. Poꞌmoitërantaꞌ noyápiachin nininsoꞌ poꞌmotocoꞌ. Sapatëntaꞌ matonquëꞌ poꞌmoin.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

1 Corintios 8:12

Tëꞌhuatonaꞌpintaꞌ imaponahuëꞌ, co yaꞌipi cancanën quëran imarinhuëꞌ niꞌton, nisha nisha tëꞌhuatarin. Nonanatënquëmaꞌ, caꞌpachin, co noyahuëꞌ cancantapon. “Maꞌcha onpoꞌiya. Co noyahuëꞌ ninahuë,” tapon. Ina aoshahuanpatamaꞌ, Quisocristontaꞌ co noyahuëꞌ niꞌsarinquëmaꞌ. Ina marëꞌ canpitantaꞌ oshahuanaramaꞌ.