Lucas 15:18 - Chayahuita (Shahui)

¹⁸ Paato, tatahuë nonchi: “Co noyahuëꞌ tata ninahuë. Nonpintëranquën. Co Yosë natëtohuëꞌ, oshahuanahuë.

Lucas 15:18 ပူးပေါင်းရင်းမြစ်များ

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Daniel 4:26

Motën, itën, inapita inaquëranchin quëparitacaisosoꞌ, naquëranchin huaꞌanëntamaso tapon naporin. ‘Yosëso yaꞌipi isoroꞌpanta huaꞌanëntërin,’ topatan, naquëranchin huaꞌanëntaantaran.

Jonás 3:9

Tapona Sinioro nosoroatonpoaꞌ, noꞌhuirinpoaso asanoápirinhuëꞌ. Inapohuachin, co tëpaonpoahuëꞌ,” tënin.

Mateo 6:14

Aꞌnaquën maꞌsha onpotopirinquëmaontaꞌ, noya nontacasoꞌ yaꞌhuërin. Nanan anoyatohuatamaꞌ, Tata Yosëntaꞌ canpita oshanëmaꞌ inquitarinquëmaꞌ.

Mateo 6:9

Napoaton Yosë yanontohuatamaꞌ, iso pochin nontocoꞌ: ‘Tata Yosë, quëmaso inápaquë yaꞌhuaponahuëꞌ, natanancoi. Quëmasáchin noya noyanquën niꞌton, yaꞌipi piyapiꞌsaꞌ chinochinënquën.

Mateo 7:11

Canpitasoꞌ co noyahuëꞌ yonquiapomarahuëꞌ, huiꞌnamaꞌ nosororamaꞌ. Noya maꞌsha quëtëramaꞌ. Yosësoꞌ noya noya niꞌton, naꞌcon naꞌcon nosororinquëmaꞌ. Inápaquë yaꞌhuaponahuëꞌ, huiꞌninpita pochin niꞌninquëmaꞌ. Nontohuatamaꞌ, noya nininsoꞌ quëtarinquëmaꞌ. Catahuarinquëmaꞌ noya cancantacamaso marëꞌ.

Lucas 11:2

—Inta nipachin aꞌchinchinquëmaꞌ. Yosë yanontohuatamaꞌ, iso pochin nontocoꞌ: “Tata Yosë, quëmasáchin noya noyanquën niꞌton, yaꞌipi piyapiꞌsaꞌ chinochinënquën. Chini chiníquën nanantëran niꞌton, yaꞌipicoi natëiinquën.

Lucas 15:17

Ina quëran yonquirin. ‘¡Maꞌhuántacha ninahuë paya! Tata piyapinënpitasoꞌ noya coshatapi. Caso nipirinhuëꞌ tana yatëparinco taꞌa.

Lucas 15:19

Co noyahuëꞌ ninahuëso marëꞌ co huachi huiꞌnan pochin cancantancosoꞌ yaꞌhuërinhuëꞌ. Piyapinën pochin tërantaꞌ niꞌco,” ichi,’ tënin yonquinënquë.

Lucas 15:21

‘Co noyahuëꞌ ninahuë, tata. Nonpintëranquën. Co Yosë natëtohuëꞌ, oshahuanahuë. Co noyahuëꞌ ninahuëso marëꞌ co huachi huiꞌnan pochin cancantancosoꞌ yaꞌhuërinhuëꞌ,’ itërin paꞌpin.

Lucas 18:13

Aꞌnaso nipirinhuëꞌ co yaꞌcaritërinhuëꞌ. Tapanaton, monshoárin. Oshanën marëꞌ sëtërin. ‘Tata Yosë, casoꞌ oshahuanco. Nosoroatonco, oshanëhuë inquitoco,’ itërin.