Lucas 15:17 - Chayahuita (Shahui)

¹⁷ Ina quëran yonquirin. ‘¡Maꞌhuántacha ninahuë paya! Tata piyapinënpitasoꞌ noya coshatapi. Caso nipirinhuëꞌ tana yatëparinco taꞌa.

Lucas 15:17 ပူးပေါင်းရင်းမြစ်များ

Salmos 73:20

Quëmari Sinioro capayatërëso pochin nicaton anaꞌintaran. Noya yaꞌhuëpirinahuëꞌ, anaꞌintaran huachi.

Jeremías 31:19

Quëma aꞌporainquënso marëꞌ parisitatoi, nirótërai. “Tëhuënchachin oshahuancoi,” taꞌtoi, motoꞌ sëꞌmorai. “Maꞌhuantacha ninai paya,” taꞌtoi tapanai. Huiꞌnapitohuatëra yatëhuërëso pochin nicatoi, tëhuërai niꞌton, parisitërai,’ itarinaco.

Ezequiel 18:28

‘Tëhuënchachin co noyahuëꞌ ninahuëso marëꞌ Yosë anaꞌintincoso yaꞌhuërin,’ tëcaton co noyahuëꞌ nininsoꞌ aꞌpohuachin, co chiminaponhuëꞌ, tëhuënchachin nanpipon.

Oseas 2:7

Soꞌin tëhuananpitë sanapisoꞌ, monshinpita imarin. Inapochachin israiroꞌsantaꞌ, mamanshiroꞌsa chinotopi. Inapita chinotopirinahuëꞌ, nohuantopisoso co quënanapihuëꞌ. Yonipirinahuë tërantaꞌ, co quënanapihuëꞌ. Naporo huachi monshihuantë sanapi noya yonquiantaton: ‘Yaꞌnan soꞌyatërahuëso chachin tahuërëtaantaꞌi nipachin. Inaroꞌcosoꞌ, noya noya yaꞌhuëápirahuëꞌ,’ tapon. Inapochachin israiroꞌsanta nisapi.

Lucas 15:16

Inaquë paaton, coshiroꞌsaꞌ aꞌcararin. Tanaton, coshi caꞌninsoꞌ tërantaꞌ nayapirinhuëꞌ, co incari quëtërinhuëꞌ.

Lucas 16:23

Parisitopiquë paaton, parisitárin. Nëꞌpërahuaton, aquë quëran Nasaro quënanin. Tata Apraanëꞌ yaꞌhuëarin.

Lucas 8:35

Natanahuatonaꞌ, “¿maꞌtaꞌ onpocaisoꞌ?” taꞌtonaꞌ, paꞌpi nicaponaꞌ. Canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Iporasoꞌ Quisoso yaꞌcariya huënsëarin. Nani aꞌmoanahuaton, noya yonquirin huachi. Co huachi huaꞌyantërinhuëꞌ. Ina nicatonaꞌ, paꞌyanpi.

Hechos 12:11

Naporoꞌ Pitro noꞌtëquën yonquirin: “Co huaꞌnarëso pochin niꞌnahuëꞌ. Sinioro chachin anquëninën aꞌpatimarinco nichaꞌëincoso marëꞌ. Irotisë, cotio huaꞌanoꞌsaꞌ, inapita yatëpapirinacohuëꞌ, nichaꞌërinco,” tënin.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.