Lucas 15:15 - Chayahuita (Shahui)

¹⁵ Napoaton aꞌna patronquë paꞌnin. ‘Cantaꞌ sacachi, topirahuëꞌ,’ itërin. ‘Noyahuaꞌ. Sacatëquëꞌ nipachin,’ itahuaton, pastoquë aꞌparin coshinënpita aꞌpaicaso marëꞌ.

Lucas 15:15 ပူးပေါင်းရင်းမြစ်များ

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Isaías 1:5

Canpitaso co natantochináchinhuëꞌ cancantëramasoꞌ, co yaaꞌporamahuëꞌ. Ina marëꞌ noꞌhuitënquëma anaꞌintëranquëmaꞌ. Co máquëma tëranta noyatërinso yaꞌhuërinhuëꞌ. Motëma quëran nantëranëmaquë huarëꞌ, piꞌniosáchin pochin, pomato pomato toconinso pochin, taꞌtaráchin niconinso pochin, niconamaꞌ. Naporamasoꞌ, co inso tëranta nonëninquëmahuëꞌ. Co tomaquë tëranta pashitatënënquëma asanorinënquëmahuëꞌ. Inapoatoma co huachi manta chiniramahuëꞌ.

Malaquías 2:9

Napoatoma co natëramacohuëꞌ. Naporahuaton aꞌchinpatamantaꞌ, co yaꞌipi piyapiꞌsa napopináchin niꞌnamahuëꞌ. Ina marëꞌ ca nohuanton, naní quëran apinapiroꞌsa pochin nicatënënquëmaꞌ, nocanaponënquëmaꞌ. Ca Sinioroco yaꞌipi nanitapato napotaranquëmaꞌ,” itaantarin.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

Lucas 15:13

Cara tahuëri quëran pochin huaꞌhua nininsoꞌ yapipirin. Yaꞌipi maꞌshanënpita paꞌanahuaton, coriqui canarinsoꞌ masahuaton, aquë paꞌnin. Inaquë noꞌpirárin, nansarárin, monshihuanárin. Naꞌa coriqui quëparinsoꞌ iꞌquirin.

Lucas 15:14

Nani yaꞌipi iꞌquihuachina, inaquësoꞌ tanarotopi niꞌton, co mantaꞌ capacasoꞌ yaꞌhuërinhuëꞌ. Inantaꞌ tanarin.

Lucas 15:16

Inaquë paaton, coshiroꞌsaꞌ aꞌcararin. Tanaton, coshi caꞌninsoꞌ tërantaꞌ nayapirinhuëꞌ, co incari quëtërinhuëꞌ.

Romanos 6:22

Iporaso nipirinhuëꞌ co huachi oshanëma huaꞌanëntërinquëmahuëꞌ. Yosë nichaꞌërinquëmaꞌ ama huachi oshahuanacamaso marëhuëꞌ. Ina chachin huaꞌanëntërinquëmaꞌ. Napoaton noyápiachin cancantaramaꞌ. Aꞌna tahuëri Yosëꞌpaꞌ nanpimiataramaꞌ.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.