Lucas 15:10 - Chayahuita (Shahui)

¹⁰ Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 15:10 ပူးပေါင်းရင်းမြစ်များ

Ezequiel 18:23

Co noyahuëꞌ nipisopita chiminacaisosoꞌ, co nohuantërahuëꞌ. Co noyahuëꞌ nipiso naniantatonaꞌ, noya niinaꞌ. Napohuachina tëhuënchachin nanpiponaꞌ. Ca Sinioroco shaꞌhuitaranquëmaꞌ.

Ezequiel 33:11

Napopiramahuëꞌ, caso Sinioroco niꞌton, noꞌtëquën shaꞌhuitaranquëmaꞌ. Co caso nohuantërahuë co noyahuëꞌ nipisopita chiminacaisoꞌ. Co noyahuëꞌ nipiso aꞌporahuatona nanpicaisoꞌ nohuantërahuë. Israiroꞌsanquëmaꞌ, co noyahuëꞌ ninamasopita aꞌpocoꞌ. Ama chiminacamaso nohuantocosohuëꞌ,’ tënin Sinioro, itëquëꞌ,” itërinco.

Mateo 10:32

‘Quisoso imarahuë,’ topatamaꞌ, ayaroꞌ tahuëri carinquëmantaꞌ nohuantaranquëmaꞌ. ‘Imarinaco mini,’ itarahuë Tata Yosë.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Mateo 18:14

Inapochachin Tata inápaquë yaꞌhuërinsoꞌ nosororinquëmaꞌ. Huaꞌhuaroꞌsantaꞌ nosororin. Co nohuantërinhuëꞌ aꞌnaya tërantaꞌ parisitopiquë paacaisoꞌ,” tënin.

Lucas 12:8

Ina quëran taantarin: “Tëhuënchachin iyaroꞌsaꞌ, ‘Quisoso imarahuë,’ topatamaꞌ, ayaroꞌ tahuëri cantaꞌ nohuantaranquëmaꞌ. ‘Imarinco mini,’ itarahuë Yosëꞌpaꞌ. Anquëniroꞌsantaꞌ natanapi.

Lucas 12:9

Nipirinhuëꞌ, Yosë quëran quëmapico nipirahuëꞌ aꞌpohuatamaco, carinquëmantaꞌ aꞌpoaranquëmaꞌ. ‘Co nohuitërinacohuëꞌ,’ itarahuë. Anquëniroꞌsantaꞌ natanapi.

Lucas 15:11

Ina quëran Quisosori itaantarin: “Aꞌna quëmapi catoꞌ huiꞌninpita yaꞌhuëtopirinhuëꞌ,

Lucas 15:7

Inapochachin Yosë niꞌninpoaꞌ. Noya piyapi yaꞌhuëhuachin, Yosëri noya niꞌsarin. Nipirinhuëꞌ, oshahuanoꞌsantaꞌ nosororin. Aꞌnaya tërantaꞌ co noyahuëꞌ yonquirinsoꞌ naniantohuachin, Yosë yaꞌhuërinquëntaꞌ capa cancantomiatapi,” itërin Quisosori.

Lucas 15:9

Quënanahuaton, nipayarinsopita, yaꞌcariya yaꞌhuëpisopita, inapita shaꞌhuitërin. ‘Coriquinëhuë ayatopirahuëꞌ, quënanahuë. Ina marëꞌ noya cancantahuaꞌ,’ itërin.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.

Filemón 1:15

Yosë nohuanton, taꞌananpirinquën nimara Quisocristo nohuitacaso marëꞌ, tënahuë. Co huaꞌquiꞌ patërinquënhuëꞌ. Iporasoꞌ paahuamantarinquën inaquë yaꞌhuëmiatacaso marëꞌ.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.