Lucas 14:32 - Chayahuita (Shahui)

³² Co nanitochináchinhuëꞌ nipachina, comisionën aꞌparin nanan anoyatacaso marëꞌ.

Lucas 14:32 ပူးပေါင်းရင်းမြစ်များ

Copo naporinso' 40:9

¡Quëmasoꞌ co ca pochin chiníquën nanantëranhuëꞌ! Caso nonpatora, huira pochin yaꞌcanin nonahuësoꞌ. ¡Quëmaso nonpatana, co ina pochin nonanso yaꞌcaninhuëꞌ!

Mateo 5:25

Niꞌcoꞌ. Nihuitëramaso marëꞌ yaquëpahuachinënquëmaꞌ, aꞌnaroáchin nanan anoyatocoꞌ. Co anoyatohuatamahuëꞌ, coisëquë quëparinënquëmaꞌ. Coisëquë quëpahuachinënquëmaꞌ, sontaroꞌsaquë yoꞌcoaninënquëmaꞌ, tashinan pëiquë poꞌmoarinënquëmaꞌ.

Mateo 5:42

Aꞌnaquën: ‘Maꞌsha quëtoco,’ itohuachinënquëmaꞌ, ama apiratomahuëꞌ, quëtocoꞌ. ‘Cantaꞌ maꞌsha aꞌnanco, topirahuëꞌ,’ itohuachinënquëmantaꞌ, aꞌnancoꞌ. Onpopiontaꞌ nosoroatëꞌ catahuacasoꞌ yaꞌhuërin,” tënin.

Lucas 12:58

Niꞌcoꞌ. Nihuitëranso marëꞌ yaquëpahuachinënquën, aꞌnaroáchin nanan anoyatëquëꞌ. Co anoyatohuatanhuëꞌ, coisëquë quëpaarinënquën. Coisëquë quëpahuachinënquën, sontaroquë yoꞌcoaninënquën niꞌton, tashinan pëiquë poꞌmoarinënquën.

Lucas 14:31

Isontaꞌ yonquicoꞌ. Aꞌna copirno yaꞌhuërin, shonca huaranca sontaroꞌsaꞌ camairinsoꞌ. Inimiconënso nipirinhuëꞌ, cato shonca huaranca sontaroꞌsaꞌ camairin. Ina napoꞌ huëꞌpachinara, co aꞌnaroáchin ahuëapon paꞌsarinhuëꞌ: ‘Sacaiꞌ minsëcasoꞌ,’ taꞌton, yonquirárin.

Lucas 14:33

Inapochachin pënënanquëmaꞌ. Sacaiꞌ imamancosoꞌ, tënahuë. Napoaton noya yonquiatomaꞌ, imaco. Casáchin yonquihuatamaco, tëhuënchachin noya imasaramaco,” tënin Quisoso.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Hechos 12:20

Irotisi huaꞌan yaꞌhuërinquë nisha nisha piyapiꞌsaꞌ huëcatonaꞌ, cosharoꞌ paꞌanquipi. Aꞌnaquënsoꞌ cosharoꞌ yapaꞌanpirinahuëꞌ, chiníquën noꞌhuiton, co nohuantërinhuëꞌ quëtacasoꞌ. Tiroquë yaꞌhuëpisopita, Sitonquë yaꞌhuëpisopita, inapita noꞌhuirárin. Napoaton niyontonahuatonaꞌ, inaquë huëꞌpi. Poꞌoana quëran inpriatonën Pirasito itopisoꞌ nontiipi. —Quëmari huaꞌan nontëquëꞌ ama huachi noꞌhuiincoisohuëꞌ. Ina marëꞌ coriqui quëchinquën, itopi. —Noyahuaꞌ, tosahuaton, paꞌnin huaꞌanën nontacaso marëꞌ.