Lucas 13:4 - Chayahuita (Shahui)

^4-5 Siroiquëntaꞌ aꞌna tori anotaton, shonca posa yaꞌpi tëparin: ‘Inapitantaꞌ naꞌcon naꞌcon oshahuanpi,’ ¿topiramahuëꞌ ti? Co naporinhuëꞌ, tënahuë casoꞌ. Naꞌa piyapiꞌsaꞌ Quirosarinquë inachachin oshahuanpi. Canpitantaꞌ co noyahuëꞌ yonquiramaꞌ. Co ina naniantohuatamahuëꞌ, chiminatomaꞌ, parisitomiataramaꞌ,” itërin Quisosori.

Lucas 13:4 ပူးပေါင်းရင်းမြစ်များ

Isaías 8:6

“Cota huënton israiroꞌsasoꞌ, Nisin copirno, Nimariasë huiꞌnin, inapita tëꞌhuatopi. Inapita tëꞌhuatatonaꞌ, nocaninaco. Caso Siroiꞌ iꞌsha, sanoiꞌ paꞌninso pochin inapita catahuapirahuëꞌ, nocaninaco. Napopi niꞌquëhuarëꞌ, ca nohuanton Asiria copirno sontaronënpitarë chachin huëcapaipon. Inasoꞌ huëꞌpachin, Iopiratësiiꞌ paquiitërinso pochin yaꞌipi Cota huënton ninanoroꞌsa ahuëapon. Pancaiꞌ paquiitohuachina, conopirataquë huarëꞌ icaninso pochin nisarin. Asiria copirnosoꞌ, panca onian yanponaton, mapinën nocorinso pochin yaꞌipi iso noꞌpaquë yaꞌhuëpisopita ahuëapon. Napoaponahuëꞌ, ca Sinioroco canpitarëꞌco chachin nisarahuë,” itërinco.

Mateo 18:24

Napohuachina, aꞌnaraꞌ quëntapi naꞌa huaranca nihuirinsoꞌ. Co apira pahuërëtochináchinhuëꞌ nihuitërin.

Mateo 6:12

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Lucas 11:4

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi anoyacancantocoi. Co noyahuëꞌ yonquihuatoi, catahuacoi aꞌnaroáchin nanianchii,” itocoꞌ, Yosë nontohuatamaꞌ, tënin.

Lucas 13:3

Co inapita naꞌcon naꞌcon oshahuanpihuëꞌ. Canpitantaꞌ co noyahuëꞌ yonquiramaꞌ. Co ina naniantohuatamahuëꞌ, anaꞌintarinquëmaꞌ. Chiminatomaꞌ, parisitomiataramaꞌ.

Juan 9:11

—Aꞌna quëmapi Quisoso itopisoꞌ noꞌpa ipitahuaton, shipiroꞌ ninin quëran, pashirayatërinco. Ina quëran shaꞌhuitërinco: “Paaton Siroiquë nipaꞌmorayaquëꞌ,” itërinco. Inaquë paꞌsahuato, nipaꞌmorayahuatëra, niꞌtërahuë, itërin.

Juan 9:7

—Paaton Siroiquë nipaꞌmorayaquëꞌ, itërin. Siroisoꞌ: “Aꞌparinsoꞌ,” tapon naporin. Itohuachina, paꞌnin. Inaquë nipaꞌmorayahuachina, noya niꞌtërin. Noya niꞌtahuaton, yaꞌhuërinꞌpaꞌ paꞌnin huachi.

Hechos 28:4

Naquëimirarinsoꞌ, yaꞌhuëhuanoꞌsari niꞌpi. “Iso quëmapi tëpatonaꞌpi ipora. Napoaton yosëroꞌsaꞌ nohuanton, maꞌsha onpoarin iꞌhuërëtacaso marëꞌ. Marë quëran chaꞌëponahuëꞌ, chimianin,” nitopi.