Lucas 13:33 - Chayahuita (Shahui)

³³ Inaso napotopirahuëꞌ, ipora tahuëri chachin pipito tashira aquëtëran Quirosarinquë nincanaꞌhuasoꞌ yaꞌhuërin. Iráca quëran huarëꞌ naꞌa piyapiꞌsaꞌ inaquë pënëntopirinahuëꞌ, tëpapi. Inaquë cantaꞌ, tëpainacoso yaꞌhuërin, tënin.

Lucas 13:33 ပူးပေါင်းရင်းမြစ်များ

Mateo 20:18

—Natanco iyaroꞌsaꞌ. Quirosarinquë paantarëhuaꞌ. Inatohuaꞌ Yosë quëran quëmapico nipirahuëꞌ, shaꞌhuirapiarinaco. Cotio huaꞌanoꞌsaꞌ, maistroꞌsaꞌ, inapita masahuatonaco: “Tëpacasoꞌ yaꞌhuërin,” tosapi.

Mateo 21:11

—Coꞌta Quisoso, Cariria parti yaꞌhuërinsoꞌ. Nasarito quëran huëcaton, naꞌcon pënëntërin, itopi.

Lucas 9:53

Natanahuatonaꞌ, co Quisoso huëcacasoꞌ nohuantopihuëꞌ. Quirosarinquë paꞌsarin niꞌton, co nohuantopihuëꞌ.

Juan 11:54

Napoaton Quisoso co huachi nohuantërinhuëꞌ aꞌninquëchin cotio ninanoroꞌsaquë paacasoꞌ. Inotëro parti pirayan paaton, Iprainquë yacapatarin. Inaquë caꞌtanoꞌsanënpitacointaꞌ yacapatonai.

Juan 11:9

Napotohuatoira, Quisoso itaponcoi: —Shonca catoꞌ ora quëran iꞌhuarin. Tahuëri iratohuatëra, co iꞌparëhuëꞌ. Noya quënantatëꞌ, noya paꞌnëꞌ.

Juan 12:35

—Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

Juan 4:34

—Yosë aꞌpaimarinco nohuantërinsoꞌ nicaꞌhuasoꞌ. Yaꞌipiya yanatërahuë. Ina yonquiato, co huachi cosharoꞌ yonquirahuëꞌ. Cosharo pochin achinirinco.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 13:27

Quirosarinquë yaꞌhuëpisopitasoꞌ, co Quisoso nohuitopihuëꞌ: ‘Yosëri aꞌpaimarin,’ co topihuëꞌ. Co huaꞌanoꞌsa tërantaꞌ napopihuëꞌ. Pënëntonaꞌpiroꞌsaꞌ ninshitopisoꞌ nani chinoto tahuëri natanpirinahuëꞌ, co yonquipihuëꞌ. ‘Quisoso tëpaquëꞌ,’ itopi. Iráca ninorinso chachin yatëpapi.