Lucas 13:24 - Chayahuita (Shahui)

²⁴ —Yosë huëntonën pëi pochin ninin. Yaꞌcoananënsoꞌ yamianasha. Naꞌa piyapiꞌsasoꞌ yayaꞌconpirinahuëꞌ, co noyahuëꞌ cancantatonaꞌ, co nanitopihuëꞌ yaꞌconacaisoꞌ. Canpitaso nipirinhuëꞌ ipora chachin yaꞌconacamasoꞌ nohuantocoꞌ. Ama huaꞌquicosohuëꞌ.

Lucas 13:24 ပူးပေါင်းရင်းမြစ်များ

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Mateo 11:12

Coansha pënëntërin quëran huarëꞌ naꞌa piyapiꞌsaꞌ huëꞌsapi natanacaiso marëꞌ. Aꞌnaquënso nipirinhuëꞌ co nohuantopihuëꞌ Yosë huaꞌanëntërinquë yaꞌconacaisoꞌ. Co nohuantatonaraihuëꞌ, nohuantopisopita aparisitopi. Chiníquën cancantopisopitaso nipirinhuëꞌ, onpopiontaꞌ yaꞌconapi.

Lucas 13:23

Aꞌchintohuachina, aꞌna quëmapiri itapon: —¿Onpo piyapitaꞌ chaꞌëponaꞌ? ¿Caraíchin nimara ti? itërin.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Juan 13:33

Huiꞌnahuëpita pochin niꞌpiranquëmahuëꞌ, co huachi huaꞌquiꞌ yaꞌhuapohuëꞌ. Yonípiramacohuëꞌ, intohuasoꞌ paꞌnahuëquë, co nanitaramahuëꞌ pacacamasoꞌ. Iꞌhua inachachin cotioroꞌsantaꞌ shaꞌhuitërahuë.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Juan 7:34

Naporoꞌ yonípiramacohuëntaꞌ, co quënanaramacohuëꞌ. Insëquësona paꞌpato canpitasoꞌ co nanitaramahuëꞌ pacacamasoꞌ, itërin.

Juan 8:21

Ina quëran itantarin: —Aꞌna tahuëri paꞌmiatarahuë. Naporoꞌ yonípiramacohuëntaꞌ, co quënanaramacohuëꞌ. Oshanëmarëꞌquëma chachin chiminaramaꞌ. Insëquësona paꞌpato, co canpitasoꞌ nanitaramahuëꞌ pacacamasoꞌ, itërin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Colosenses 1:29

Ina marëꞌ paꞌsápato, aꞌchinárahuë. Quisocristo chachin catahuarinco. Achinicancaninco niꞌton, chiníquën cancantato aꞌchinárahuë.

Hebreos 4:11

Napoaton naꞌcon yonquiaꞌahuaꞌ Yosë huëntonënquë yaꞌconacaso marëꞌ. Iráca co natëtonahuëꞌ, co imamiatopihuëꞌ. Ama inapita pochin cancantahuasohuëꞌ.

2 Pedro 1:10

Napoaton iyaroꞌsaꞌ, naꞌcon yonquicoꞌ yaꞌipi cancanëma quëran huarëꞌ imacamaso marëꞌ. Yosë huayonatënquëmaꞌ, nontërinquëmaꞌ niꞌton, noyá matërëso pochin imamiatocoꞌ. Inapohuatamaꞌ, co nisha cancantatomaꞌ, aꞌpoaramahuëꞌ.