Lucas 13:17 - Chayahuita (Shahui)

¹⁷ Natanahuatonaꞌ, inimiconënpitasoꞌ tapanpi. Aꞌnapitariso nipirinhuëꞌ, paꞌyatopi: “¡Ma noyacha Quisoso nanitaparin paya!” topi.

Lucas 13:17 ပူးပေါင်းရင်းမြစ်များ

Salmos 40:14

¡Yatëparinacosopita quëmari atapanquëꞌ! Maꞌsha yaonpotërinacosopitantaꞌ, co taparohuanhuë pochin taꞌananpiinaco.

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Lucas 14:6

Parisioroꞌsaso nipirinhuëꞌ tapanatonaꞌ, co nanitopihuëꞌ aꞌpanitacaisoꞌ.

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Lucas 19:48

Naꞌa piyapiꞌsari nóya natanatonaꞌ yamotopi niꞌton, co nanitopihuëꞌ macacaisoꞌ.

Lucas 20:40

Ina quëran tëꞌhuatatonaꞌ, co huachi nohuantopihuëꞌ nataantacaisoꞌ.

Hechos 4:21

“Co natëhuatamacoihuëꞌ, anaꞌintarainquëmaꞌ,” itahuatonaꞌ, aꞌpapi. Apia anoyatërinsoꞌ nani catapini shonca naꞌcon piꞌipitërin niꞌton, yaꞌipi piyapiꞌsari paꞌyatopi. “Yosëíchin nanitërin anoyatacasoꞌ. Ma noyacha Yosëso paya,” topi yaꞌipi piyapiꞌsaꞌ. Napoaton huaꞌanoꞌsari co nanitopihuëꞌ anaꞌintacaisoꞌ.

2 Timoteo 3:9

Aꞌchintohuachina, aꞌnaquën natëpirinahuëꞌ, oshaquëran co huachi natërapihuëꞌ. “Nonpinápi,” taꞌtonaꞌ, co huachi imasapihuëꞌ. Inapochachin iráca ina pënotonoꞌsari nonpintopirinahuëꞌ, piyapiꞌsari oshaquëran noꞌtëquën nitotahuatonaꞌ, aꞌpopi huachi.

Tito 2:8

Noyasáchin nonquëꞌ ama aꞌnapita nonapiinquënso marëhuëꞌ. Ina quëran noꞌhuipirinënquënhuëntaꞌ, tapanapi. Co mantaꞌ pinoinpoasoꞌ yaꞌhuaponhuëꞌ.

1 Pedro 3:16

Ama noꞌhuitë pochin chiníquën shaꞌhuitocosohuëꞌ. Sanoanan quëran pënëncoꞌ. Yosë yonquihuatamaꞌ, noya shaꞌhuitaramaꞌ. Quisocristo imaramaꞌ niꞌton, noyasáchin nicatomaꞌ, noyápiachin cancantocoꞌ. Ina quëran pinopirinënquëmahuëꞌ, “Coꞌta noya nisapi. Quëmarisoꞌ nonpinapiran,” itarin aꞌnarintaꞌ. Itohuachina, pinotonaꞌpisoꞌ tapanarin.