Lucas 13:14 - Chayahuita (Shahui)

¹⁴ Niyontonpiso pëiꞌ huaꞌanso nipirinhuëꞌ, noꞌhuitërin. Chinoto tahuëri anoyatërin niꞌton, naporin. Napoaton piyapiꞌsaꞌ itapon: —Saota tahuëri sacatacasoꞌ yaꞌhuërin. Naporoꞌ huëcoꞌ anoyatinquëmaso marëꞌ. Chinoto tahuërisoꞌ co noyahuëꞌ anoyatacasoꞌ, itërin.

Lucas 13:14 ပူးပေါင်းရင်းမြစ်များ

Éxodo 20:9

Saota tahuëri noya sacatocoꞌ.

Ezequiel 34:21

Amonënquëmasoꞌ, ohuicanëhuëpita co onpopinchin chinipisopitahuëꞌ, panirahuatoma aꞌparamaꞌ. Pomonëma quëran ohuanahuatoma nitaꞌatëramaꞌ.

Levítico 23:3

Nani simanaquë saota tahuëri sacataramaꞌ. Tahuëririnquëso nipirinhuëꞌ, co sacataramahuëꞌ. Ina tahuëri noya nicatoma chinotaramaco. Naporo tahuëri chinotamacoso marëꞌ niyontonaramaꞌ. Insëquë tëranta yaꞌhuëpatamaꞌ, naporo tahuëri chinotamacoso marëꞌ chinotaramaꞌ.

Mateo 12:2

Ina niꞌsahuatona parisioroꞌsasoꞌ: —¡Niꞌquëꞌ Maistro! Chinoto tahuëri nipirinhuëꞌ, caꞌtanoꞌsanënpita tricoraya iꞌshorayapi, co ipora tahuëri piꞌpisha tërantaꞌ sacatacaso yaꞌhuërinhuëꞌ. Co Moisësë pënëntërinsoꞌ natëpihuëꞌ, itopi.

Marcos 5:22

Naporoꞌ aꞌna cotio huaꞌan Cairo itopiso huëꞌnin. Inasoꞌ, niyontonpiso pëiꞌ huaꞌan yaꞌconin. Quisoso quënanquirahuaton, nantën pirayan isonquirin:

Lucas 6:11

Ina marëꞌ niꞌsapisopitari chiníquën noꞌhuitonaꞌ, inahuara capini ninontopi onporahuatonsona Quisoso maꞌsha onpotacaisoꞌ.

Lucas 6:7

“Chinoto tahuëri nipirinhuëꞌ, Quisosori anoyatapon nimara,” taꞌtonaꞌ, cotio maistroꞌsaꞌ, parisioroꞌsaꞌ, inapitari niꞌsápi shaꞌhuirapicaiso marëꞌ.

Lucas 8:41

Naporoꞌ aꞌna cotio huaꞌan cairo itopiso huëꞌnin. Inasoꞌ niyontonpiso pëiꞌ huaꞌan yaꞌconin. Quisoso quënanquirahuaton, nantën pirayan isonquirin. “Aꞌnaroáchin Sinioro pëinëhuëquë huëquëꞌ.

Hechos 13:15

Cotio ansianoꞌsaꞌ quirica nontapi. Moisësë iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita nani nontohuachinara, itaponaꞌ: —Achinicancanamacoiso marëꞌ yapënënpatamacoi iyaroꞌsaꞌ, shaꞌhuitocoi nataꞌin, itërin.

Hechos 18:17

Naꞌa piyapiꞌsari niꞌsapi. Niꞌsahuatonaꞌ, cotio niyontonpiso pëiꞌ huaꞌan mapi, Sostinisë itopisoꞌ. Masahuatonaꞌ, inaquë chachin ahuëpi. Carionori nicaponahuëꞌ, co mantaꞌ tëninhuëꞌ. Co ina yonquirinhuëꞌ.

Hechos 18:8

Cotio niyontonpiso pëiꞌ huaꞌaontaꞌ natanahuaton, natërin, Crispo itopisoꞌ. Ina pëinënquë yaꞌhuëpisopitantaꞌ Quisoso imasapi. Naꞌa yaꞌhuëhuanoꞌsaꞌ Quisoso nanamën natanahuatonaꞌ, natëpi. Natëhuachinara, aporihuanpi.

Romanos 10:2

Tëhuënchachin Yosë yachinotopirinahuëꞌ, co nanamën noꞌtëquën yonquipihuëꞌ.