Lucas 12:43 - Chayahuita (Shahui)

⁴³ Inpriatosoꞌ noya yonquihuachin, noꞌtëquën natërin. Patronëni huëcapaintahuachina, noya niꞌsarin.

Lucas 12:43 ပူးပေါင်းရင်းမြစ်များ

Mateo 24:46

Inpriatosoꞌ noya yonquihuachin, noꞌtëquën natëtarin. Patronëni huëcapaintahuachin, noya niꞌsarin. Ina marëꞌ noya cancantarin.

Lucas 12:37

Piyapinënpita ninarapi quënanquintahuachina, huaꞌanëni nóya niꞌsarin. Inari chachin nitaparahuaton, cosharoꞌ acotarin piyapinënpita capacaiso marëꞌ.

Lucas 12:42

Napotohuachina: “Niꞌcoꞌ iyaroꞌsaꞌ. Oꞌmacaꞌhuaso tahuëri aꞌna patron pochin nisarahuë. Inasoꞌ aquë yapaꞌpachina, inpriatonën noya natërinsoꞌ shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiraquëꞌ,’ itahuaton paꞌnin.

Lucas 12:44

Noya natërin niꞌton, acoarin yaꞌipi maꞌshanënpita aꞌpaicaso marëꞌ.

2 Pedro 3:14

Napoaton iyaroꞌsaꞌ, ina ninatomaꞌ naꞌcon yonquicoꞌ noyasáchin nicacamaso marëꞌ. “Quisocristo nanan anoyatërinpoaꞌ,” taꞌtomaꞌ, noya niniꞌtomaꞌ, yaꞌhuëcoꞌ. Yaꞌipi co noyahuëꞌ yonquiramasopita naniantatomaꞌ, noyápiachin cancantocoꞌ. Ina quëran oꞌmantahuachin, noya niꞌsarinquëmaꞌ.