Lucas 12:31 - Chayahuita (Shahui)

³¹ Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Ina pochin cancantohuatamaꞌ, Yosë catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ,” itërin.

Lucas 12:31 ပူးပေါင်းရင်းမြစ်များ

Salmos 34:9

Sinioroáchin cancantëramasopitasoꞌ, ina noya nicatoma natëcoꞌ. Ina noya nicatona natëpisopitasoꞌ, nani maꞌsha noya nininsoꞌ yaꞌhuëtapi.

Salmos 37:19

Parisitacaso tahuëri canquihuachin, co tapanaponahuëꞌ. Tanaro tahuëriꞌsanta nipirinhuëꞌ, natëaquë huarëꞌ coshataponaꞌ.

Salmos 37:25

Iráca canta huiꞌnapico nipirahuëꞌ, iporasoꞌ mashotërahuë huachi. Mashotopirahuë, noya nipisopitaso co onporonta nosoro yaꞌhuëtárinso niꞌchinahuëꞌ. Co huiꞌnina tëranta maꞌshari pahuantërinhuë niꞌton, co nata natantë́rantapihuëꞌ.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Lucas 10:42

Casáchin natancosoꞌ naꞌcon naꞌcon nohuantërahuë. Mariasoꞌ natanatonco, noya noya nisarin. Naꞌcon yonquirinco niꞌton, noya cancantomiatarin tënahuë, itërin Quisosori.

Lucas 12:30

Co Yosë imapisopitahuëꞌ ina pochin yonquipi. Maꞌsharáchin yonquipi. Canpitaso nipirinhuëꞌ, tatanëmaꞌ inápaquë yaꞌhuërinsoꞌ yonquirinquëmaꞌ. Yaꞌipi pahuantërinquëmasopita nitotërin.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.