Lucas 12:24 - Chayahuita (Shahui)

²⁴ Niꞌcoꞌ. Inairaroꞌsaꞌ co shaꞌtopihuëꞌ. Co cayarinsoꞌ sënapihuëꞌ. Cosharoꞌ tapacaso marëꞌ co pëiꞌ yaꞌhuëtopirinahuëꞌ, Yosëri catahuarin. Ina nohuanton, cosharoꞌ yaꞌhuëtopi. Canpitasoꞌ inapita quëran naꞌcon naꞌcon nosororinquëmaꞌ.

Lucas 12:24 ပူးပေါင်းရင်းမြစ်များ

Copo naporinso' 38:41

Itatanaꞌhuaroꞌsa tanahuachina noncaropi. Aꞌshinari aꞌcacaiso marëꞌ maꞌsha yonípachinara, cari quëtërahuë. ¡Co quëmari quëtëranhuëꞌ!

Mateo 3:12

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.

Mateo 6:26

Niꞌcoꞌ. Inairaroꞌsaꞌ co mantaꞌ shaꞌpihuëꞌ. Co maꞌsha shaꞌpisoꞌ macatonaꞌ, pëinënaquë acopihuëꞌ. Napoaponahuëꞌ, Tata Yosëri catahuarin. Ina nohuanton, cosharoꞌ quënanpi. ¡Canpitasoꞌ inapita quëran noya noya niꞌninquëmaꞌ!

Marcos 6:26

Ina natanahuaton, huaꞌan paꞌpi sëtërin. Napoaponahuëꞌ, “Yaꞌipi piyapiꞌsaꞌ nataninaco, Yoscoarëꞌ itërahuë,” taꞌton, co yanonpintërinhuëꞌ.

Lucas 12:18

Yonquihuachina, tapon: ‘Pëiroꞌsaꞌ iꞌquitahuato, aꞌna pëiroꞌsaꞌ niantarahuë. Panca panca nisarahuë. Inaquë yaꞌipi maꞌshanëhuëpita acoarahuë.

Lucas 12:23

Yosë chachin ananpirinpoaꞌ. Nonënpoaꞌ quëtërinpoaꞌ. Co capacaso marëáchin isoroꞌpaquë acorinpoahuëꞌ. Noyápiachin aꞌmocasontaꞌ co onpopinchin yonquicasoꞌ yaꞌhuërinhuëꞌ. Yosë naꞌcon naꞌcon yonquihuatëhuaꞌ, catahuarinpoaꞌ noya yaꞌhuëcasoꞌ.