Lucas 12:23 - Chayahuita (Shahui)

²³ Yosë chachin ananpirinpoaꞌ. Nonënpoaꞌ quëtërinpoaꞌ. Co capacaso marëáchin isoroꞌpaquë acorinpoahuëꞌ. Noyápiachin aꞌmocasontaꞌ co onpopinchin yonquicasoꞌ yaꞌhuërinhuëꞌ. Yosë naꞌcon naꞌcon yonquihuatëhuaꞌ, catahuarinpoaꞌ noya yaꞌhuëcasoꞌ.

Lucas 12:23 ပူးပေါင်းရင်းမြစ်များ

Génesis 19:17

Ninano quëran nani pipihuachinara, aꞌna anquëniri itapon: —¡Chaꞌëcamaso marëꞌ manóton taꞌacoꞌ! Ama pinëma parti tahuërëcosohuëꞌ. Paꞌmia pacoꞌ. Ama maꞌsha marëꞌ tëranta iso motopianaquë chinicosohuëꞌ. Chaꞌëcaso nohuantohuatamaꞌ, motopiroꞌsa parti taꞌacoꞌ, itërin.

Copo naporinso' 1:12

Naporoꞌ Siniorori itapon: —Inta nipachin. Nani maꞌsha yaꞌhuëtërinsoꞌ, maꞌsha onpotëriquëꞌ. Inaora chachinso napoaponahuëꞌ, ama manta maꞌsha onpotëquësohuëꞌ, itërin. Napotohuachina, inaso Sinioro yaꞌhuërin quëran pipirin.

Copo naporinso' 2:4

Siniorori napotopirinhuëꞌ, inariso itaantapon: —Maꞌshanënpita ayatopiranhuëꞌ, inaora chachinso co maꞌsha onpotëranhuë niꞌton, ina pochin cancantarin.

Copo naporinso' 2:6

Naporoꞌ Siniorori itapon: —Inta nipachin. Maꞌsha onpotëriquëꞌ. Napoaponahuëꞌ, ama tëpaquësohuëꞌ, itaantarin.

Proverbios 13:8

Isoroꞌpaꞌ marëꞌ maꞌhuansoꞌ, coriquinën quëran nanitërin chaꞌëcasoꞌ. Popriyaso napoaponahuëꞌ, co aquëtë huarëꞌ pinosapihuëꞌ.

Lucas 12:22

Ina quëran caꞌtanoꞌsanënpita itapon: “Aꞌnaquën maꞌsharáchin yonquipi. Capacaisoꞌ, oꞌocaisoꞌ, aꞌmocaisoꞌ, inasáchin yonquipi. ‘Nani maꞌsha yaꞌhuëtohuachinco, nóya yaꞌhuarahuë,’ topirinahuëꞌ yonquinëna quëran. Ama iyaroꞌsaꞌ ina pochin cancantocosohuëꞌ.

Lucas 12:24

Niꞌcoꞌ. Inairaroꞌsaꞌ co shaꞌtopihuëꞌ. Co cayarinsoꞌ sënapihuëꞌ. Cosharoꞌ tapacaso marëꞌ co pëiꞌ yaꞌhuëtopirinahuëꞌ, Yosëri catahuarin. Ina nohuanton, cosharoꞌ yaꞌhuëtopi. Canpitasoꞌ inapita quëran naꞌcon naꞌcon nosororinquëmaꞌ.

Hechos 27:38

Nani yaꞌipiya natëhuachinara, trico quëparaisoꞌ inquiitopi. Inapotohuachinara, nancha niotëintarin.